Home AudioReview గోవిందుడు అందరివాడేలే ఆడియో రివ్యూ
TOLLYWOOD
 Audio Reviews

గోవిందుడు అందరివాడేలే ఆడియో రివ్యూ

Murali R | Published:November 4, 2014, 12:00 AM IST

Average

రామ్ చరణ్ తేజ్ -కాజల్ అగర్వాల్ జంటగా కృష్ణవంశీ దర్శకత్వంలో బండ్ల గణేష్ నిర్మిస్తున్న చిత్రం ''గోవిందుడు అందరివాడేలే ''. ప్రకాష్ రాజ్ ,శ్రీకాంత్ ,జయసుధ ,కమిలినీ ముఖర్జీ తదితరులు కలిసి నటించిన ఈ చిత్రానికి యువన్ శంకర్ రాజా సంగీతం అందించాడు . ఇటీవలే విడుదలైన ఈ చిత్ర ఆడియో మెగా అభిమానులను అలరించేలా ఉందో లేదో ఓ లుక్కేద్దామా !ఆదిత్య మ్యూజిక్ ద్వారా మార్కెట్ లోకి రిలీజ్ అయిన ఈ ఆల్బం లో మొదటగా సుద్దాల అశోక్ తేజ రచించగా హరిహరన్ పాడిన ''నీలి రంగు చీరలోన '' అనేపాట మొదలౌతుంది. ఈ పాట ఈ ఆల్బం కె హైలెట్ గా నిలిచింది. మెగా అభిమానుల తోపాటు అందరినీ ఈ పాట విశేషంగా అలరిస్తుంది. ఇక రెండవ పాట ''గులాబి కళ్ళు రెండు ముళ్ళు '' అనే పాటని శ్రీమణి రాయగా జావేద్ అలీ పాడాడు. ఈ పాట కూడా యూత్ ని ఆకట్టుకుంటుంది. ఇక సిరివెన్నెల సీతారామ శాస్త్రి రచించిన ''రా ,, రాకుమర '' అనే పాట చిన్మయి వినసొంపుగా ఆలపించి హృదయాన్ని దోచుకుంటుంది. ''ప్రతీచోట నాకే స్వాగతం '' అంటూ సాగే నాల్గవ పాటని రామజోగయ్య శాస్త్రి రాయగా రంజిత్ పాడిన ఈ పాట యూత్ ని ఆకట్టుకునేలా ఉంది. ''బావగారి చూపే '' అంటూ సాగే 5వ పాటని చంద్రబోస్ రచించగా రంజిత్ ,విజయ్ ఏసుదాసు ,సుర్ ముఖి ,శ్రీ వర్ధిని నలుగురు కలిసి పాట ఆలపించారు. ఈ పాట బావా మరదళ్ల మద్య సాగే కొంటె పాట. ఇక చివరగా ''కొక్కో కోడి '' అంటూ సాగే ఈ పాటని లక్ష్మీ భూపాల్ రాయగా కార్తీక్ ,హరిచరణ్ ,మానసి ,రీట నలుగురు ఆలపించారు . మొత్తమ్మీద అన్ని పాటలు కూడా మెలోడీ గా సాగుతూ హృదయానికి హత్తుకునేలా ఉన్నాయి. ఈ మద్య వస్తున్న రణగొణ ధ్వనులు ఏమి లేకుండా శ్రావ్యమైన సంగీతాన్ని ఈ ఆల్బం లో వినొచ్చు. 
FOLLOW
 TOLLYWOOD
టాప్
 స్టోరీస్
Read More..