Home News
TOLLYWOOD
 Political NEWS

అతడ్ని పవన్ కళ్యాణ్ చేర్చుకుంటే నష్టమే

మాజీ ముఖ్యమంత్రి నల్లారి కిరణ్ కుమార్ రెడ్డి ఏ పార్టీలోకి వెళ్లాలా అని చూస్తున్నాడు గతకొంత కాలంగా కానీ ఏ పార్టీ కూడా అతడ్ని రానివ్వడం లేదు . కేంద్రంలో బిజెపి అధికారంలోకి వచ్చింది కాబట్టి ఆ పార్టీలో చేరడానికి పెద్ద ఎత్తున ప్రయత్నాలు చేసాడు కానీ ఆల్రెడీ కాంగ్రెస్ పార్టీలో పదవులను అనుభవించి తీరా రాష్ట్రము విడిపోయాక బిజెపి లో కొంతమంది చేరారు అటువంటి వాళ్ళు కిరణ్ కుమార్ రెడ్డి ని బిజెపి లోకి రాకుండా అడ్డుకట్ట వేశారు . దాంతో బిజెపి తలుపులు మూసేసింది ఇంకేముంది సైలెంట్ అయ్యాడు .    అయితే తాజాగా పవన్ కళ్యాణ్ జనసేన పార్టీ లో చేరడానికి తెరవెనుక పెద్ద ప్రయత్నాలే చేస్తున్నాడు , ఇక పవన్ కూడా సానుకూలంగా ఉన్నాడట . అయితే సమైక్య రాష్ట్రంలో ముఖ్యమంత్రి గా ఉండి ఏదో పార్టీ పెట్టుకొని చెప్పు గుర్తు పెట్టుకొని ఎన్నికల్లో అభ్యర్థులను నిలిపి ఘోర పరాజయం పొందారు . అలాంటి కిరణ్ కుమార్ రెడ్డి జనసేన పార్టీలో చేరడం వల్ల పవన్ పార్టీ కి నష్టమే తప్ప లాభం ఏ కోశానా ఉండదు కాబట్టి పవన్ కళ్యాణ్ సరైన నిర్ణయం తీసుకుంటేనే మేలు .

హమ్మయ్య ! షర్మిళ వచ్చింది

ఎట్టకేలకు జగన్ చెల్లెలు షర్మిళ మళ్ళీ రాజకీయ తెరపై ఆవిష్కృతమైంది , గత ఎన్నికల్లో వై ఎస్సార్ కాంగ్రెస్ తరుపున హోరా హోరీ గా ప్రచారం చేసిన షర్మిళ ఆ ఎన్నికల్లో పోటీ చేయలేదు కానీ ప్రచారం మాత్రం పెద్ద ఎత్తున చేసింది . కట్ చేస్తే జగన్ అధికారంలోకి రాలేదు దాంతో చెల్లెలి ని పక్కన పెట్టాడు ఇంకేముంది ఇన్నాళ్లు తెరమరుగైన షర్మిళ మళ్ళీ ఇప్పుడు ప్రత్యక్షమైంది వై ఎస్సార్ కాంగ్రెస్ పార్టీ ప్లీనరీ పుణ్యమా అని .    దాంతో చంద్రబాబు ని తెలుగుదేశం పార్టీ పై విమర్శలు గుప్పించింది . అయితే మరో రెండేళ్ల కాలంలో ఆంధ్రప్రదేశ్ లో ఎన్నికలు రానున్న నేపథ్యంలో చెల్లెలు షర్మిళ ని జగన్  మళ్ళీ యాక్టివ్ అయ్యేలా చేస్తాడా ? లేక ఇలా అడపా దడపా మాత్రమే రాజకీయ తెరపై కనిపించేలా చేస్తాడా చూడాలి . 

బాలయ్య ఓడిపోవడం ఖాయమట

హీరో నందమూరి బాలకృష్ణ హిందూపురం శాసన సభ్యుడి గా గత ఎన్నికల్లో పోటీ చేసి గెలిచిన విషయం తెలిసిందే . అయితే ఎం ఎల్ ఏ గా గెలిచిన మొదట్లో హిందూపురం ప్రజలకు నిత్యం అందుబాటులో ఉండేవాడు బాలయ్య దాంతో ఆ నియోజకవర్గపు ప్రజలు బాలయ్య ని ఎన్నుకొని మంచి పనే చేశామని సంతోష పడ్డారు . అయితే ఆ సంతోషం ఎంతోకాలం నిలవలేదు మూడేళ్లు పూర్తయ్యేసరికి బాలయ్య పట్ల ఆగ్రహంగా ఉన్నారు అక్కడి ప్రజలు .    చాలాకాలంగా బాలయ్య హిందూపురంని గాలికి వదిలేసాడు . అసలే ఎండ తీవ్రత ఎక్కువగా పైగా నీటి ఎద్దడి కూడా అధికం అనంతపురం జిల్లాలో కానీ బాలయ్య మాత్రం అటు వైపు కన్నెత్తి కూడా చూడలేదు . మూడేళ్ళ కాలం పూర్తయ్యింది ఇక మిగిలింది రెండేళ్లు కానీ ఇలాగే కొనసాగితే వచ్చే ఎన్నికల్లో బాలయ్య పోటీ చేస్తే ఓడిపోవడం ఖాయమని బహిరంగంగానే మాట్లాడుకుంటున్నారు అక్కడి ప్రజలు . మాకు అందుబాటులో ఉండి సమస్యలను ఎప్పటికప్పుడు పరిష్కరించే ప్రతినిధి కావాలి కానీ పండగకు , పబ్బానికి వచ్చిపోయే ప్రజాప్రతినిధి అవసరం లేదని అంటున్నారు . 

గవర్నర్ రాసలీలలు

ఇప్పటికే ఆంధ్రప్రదేశ్ విడిపోకముందు అప్పటి గవర్నర్ రాజ్ భవన్ లోనే రాసలీలలు సాగిస్తూ అడ్డంగా దొరికిపోయిన విషయం తెల్సిందే . కాగా ఇప్పుడు మరో గవర్నర్ పై  ఆరోపణలు వచ్చాయి దాంతో తన పదవికి రాజీనామా చేసాడు . సంఘటన వివరాలలోకి వెళితే ..... మేఘాలయ గవర్నర్ వి . షణ్ముఖ నాథన్ (67) ఏకంగా రాజ్ భవన్ లోనే అందమైన అమ్మాయిలను రప్పించుకుంటూ సరసాలు ఆడుతున్నాడని రాజ్ భవన్ కాస్త శృంగార భవన్ గా మారిందని ఆరోపిస్తూ దాదాపు వందమంది రాజ్ భవన్ ఉద్యోగులు కేంద్ర ప్రభుత్వానికి లిఖిత పూర్వక ఫిర్యాదు చేయడంతో ఇక చేసేది లేక గవర్నర్ షణ్ముఖ నాథన్ రాజీనామా చేసారు .    రాజ్ భవన్ లోకి ఎవరైనా ఎంటర్ కావాలంటే ముందుగా అధికారుల అనుమతి తీసుకోవాలి కానీ మేఘాలయ రాజ్ భవన్ కు వెళ్లాలంటే మాత్రం ఆడవాళ్లు అయితే చాలు అందునా అందమైన అమ్మాయిలు అయితే ఏకంగా బెడ్ రూమ్ వరకు వెళ్లిపోవచ్చట . ఒంటి మీదకు 67 ఏళ్ల వయసు వచ్చింది కానీ కామవాంఛ మాత్రం తగ్గలేదు దాంతో అమ్మాయిలను ఏకంగా రాజ్ భవన్ లోకి తెచ్చుకొని రాసలీలలు సాగిస్తున్నాడట దాంతో రాజ్ భవన్ సిబ్బంది కేంద్ర ప్రభుత్వానికి ఫిర్యాదు చేసారు .

పవన్ కళ్యాణ్ ని అవమానిస్తున్న కిషన్ రెడ్డి

గత ఎన్నికల సమయంలో పవన్ కళ్యాణ్ అవసరం ఉంది కాబట్టి పవన్ ని ఆకాశానికి ఎత్తేసారు బిజెపి నాయకులు కానీ ఆ అవసరం ఇప్పుడు లేదు కాబట్టి పవన్ కళ్యాణ్ పై విమర్శలు గుప్పిస్తున్నారు , ఒంటి కాలు మీద లేస్తున్నారు బిజెపి నాయకులు . తాజాగా పవన్ కళ్యాణ్ బిజెపి పార్టీ ని కేంద్ర ప్రభుత్వాన్ని టార్గెట్ చేస్తూ ప్రశ్నలు సంధిస్తుండటంతో బిజెపి నాయకులకు ఎక్కడా లేని కోపం వస్తోంది పవన్ పై అందుకే పవన్ ని చీపురు పుల్ల ని తీసి అవతల పడేసినట్లు అవమానకరంగా మాట్లాడుతున్నారు . అసలు పవన్ ని లెక్క లోకి తీసుకోవాల్సిన అవసరం లేదని అంటున్నారు . బిజెపి మాజీ రాష్ట్ర అధ్యక్షుడు , తెలంగాణ ఫ్లోర్ లీడర్ కిషన్ రెడ్డి అయితే పవన్ పూచిక పుల్ల లా తీసి పడేస్తున్నాడు . గత ఎన్నికలలో పవన్ బీజేపీ - టిడిపి కూటమి కి మద్దతు ఇచ్చిన విషయం తెలిసిందే . 

టిఆర్ఎస్ లో చేరుతానంటున్న సంగీత

నా స్వస్థలం వరంగల్ దాంతో త్వరలోనే టిఆర్ఎస్ లో చేరుతానని అంటోంది ముత్యాల ముగ్గు హీరోయిన్ సంగీత . విశ్వేశ్వర రావు ప్రోత్సాహం తో సినిమా రంగంలోకి వచ్చానని , బాపు గారి ముత్యాల ముగ్గు చిత్రం ముందుగా రిలీజ్ అయ్యిందని ఇప్పటి వరకు 600 చిత్రాల్లో నటించానని , హీరోయిన్ గా 100 చిత్రాల్లో నటించానని ఇక ఇన్నాళ్లు చెన్నై లో ఉన్నానని ప్రస్తుతం హైదరాబాద్ షిఫ్ట్ అయ్యానని తెలుగు చిత్రాల్లో మంచి అవకాశాల కోసం ఎదురు చూస్తున్నానని తెలంగాణ ప్రభుత్వం తో కలిసి పని చేయడానికి సిద్దంగా ఉన్నానని త్వరలోనే ముఖ్యమంత్రి కేసీఆర్ ని  కలుష్టానని  తెలిపింది సంగీత . 

ఎంఎల్ ఏ ని బూతులు తిడుతూ లేఖ

మంగళగిరి ఎం ఎల్ ఏ ని బండ బూతులు తిడుతూ లేఖ రాయడమే కాకుండా చంపుతామని బెదిరించారు ఎవరో ఆగంతకుడు . ఆంధ్రప్రదేశ్ ముఖ్యమంత్రి పై ఉన్న ఓటుకి నోటు కేసు విచారణ చేపట్టాలని తెలంగాణ ఏసిబి కోర్టుని ఆశ్రయించాడు మంగళగిరి ఎం ఎల్ ఏ ఆళ్ళ రామకృష్ణారెడ్డి . ఈ ఎం ఎల్ ఏ ప్రతిపక్ష వై ఎస్సా ఆర్ కాంగ్రెస్ పార్టీ శాసన సభ్యుడు కావడంతో మూలాన పడిన ఓటుకి నోటు కేసు పునర్విచారణ చేయాలనీ కోరుతూ కోర్టు మెట్లు ఎక్కాడు అయితే దాన్ని హైకోర్టు స్టే ఆర్డర్ ఇవ్వడంతో సుప్రీమ్ కోర్టు కి వెళ్ళాలని నిర్ణయించు కున్నాడు ఆళ్ళ రామకృష్ణారెడ్డి దాంతో అతడిపై ఆగ్రహం వ్యక్తం చేస్తూ ఏకవచనం తో బండ బూతులు తిడుతూ మంగళగిరి లోనే నిన్ను చంపేస్తామని బెరిస్తూ లేఖ పంపారు దాంతో ఆ లేఖ తో సహా  పోలీసులకు ఫిర్యాదు చేసాడు .

చంద్రబాబు ని పొగిడిన కెసిఆర్

ఆంధ్రప్రదేశ్ ముఖ్యమంత్రి చంద్రబాబు నాయుడి ని తెలంగాణ ముఖ్యమంత్రి పొగడ్తలతో ముంచెత్తాడు . ఇద్దరు చంద్రుల మద్య పచ్చగడ్డి వేస్తే భగ్గుమంటున్న పరిస్థితి నుండి ''దోస్త్ మేరా దోస్త్ '' అనుకునే స్థాయికి రావడంతో విశ్లేషకులు ముక్కున వేలేసుకుంటున్నారు . ఇక బాబు ని కెసిఆర్ పొగడటానికి కారణం ఏంటో తెలుసా ....... బాబు పట్టిసీమ ప్రాజెక్ట్ ని పూర్తిచేయడం . రికార్డు స్థాయిలో తక్కువ సమయంలోనే పట్టిసీమ ని కట్టి రాయలసీమ ప్రజల కోసం మంచి పని చేసాడని అలాగే గోదావరి జలాలు సముద్రంలో కలిసి పోకుండా పోలవరం ని కూడా త్వరిత గతిన పూర్తీ చేయాలనీ అక్కడున్నది కూడా సాటి తెలుగు వాళ్ళే నని కెసిఆర్ చెప్పడంతో ఆంధ్రా ప్రజానీకం కూడా సంతోషం వ్యక్తం చేస్తున్నారు .

వంద కోట్లు ఇచ్చినా టిడిపి లోకి వెళ్ళం అనే జగన్ పార్టీ ఎం ఎల్ ఏ ల మాటలను నమ్మొచ్చా ?

1) నమ్ముతాం 2) నమ్మలేము 3) తెలియదు 4 ) ఇలా చెప్పిన వాళ్ళే టిడిపి లోకి జంప్ అయ్యారు

జగన్ పార్టీ ఎం ఎల్ ఏ లను టిడిపి లోకి చేర్చుకోవడాన్ని సమర్ధిస్తారా ?

1) చేర్చుకోవడం లో తప్పులేదు 2) చేర్చుకోవడం తప్పు 3) వలసలను ప్రోత్సహించడం తప్పు 4) జగన్ నిర్వాకం వల్లే వెళ్ళిపోతున్నారు 5) తెలియదు
FOLLOW
 TOLLYWOOD
టాప్
 స్టోరీస్
Read More..