Home Exclusives రాఘవేంద్రరావు పై దాడి
TOLLYWOOD
 Exclusives

రాఘవేంద్రరావు పై దాడి



Friday June 10th 2016

శతాధిక చిత్రాల దర్శకుడు కే రాఘవేంద్రరావు పై దాడి జరిగింది , అయితే ఈ ఘటనలో రాఘవేంద్రరావు కు ఎటువంటి గాయాలు కాలేదు కానీ ఆయన ఇంట్లో ఉన్న కార్లు ,అద్దాలు స్వల్పంగా దెబ్బతిన్నాయి దాంతో రాఘవేంద్రరావు తీవ్ర మానసిక ఆందోళన కు గురయ్యాడు . నిన్న జరిగిన ఈ ఘటన తో ఒక్కసారిగా సినిమా రంగం వాళ్ళు షాక్ అయ్యారు . అనంతపురం జిల్లా కు చెందిన వల్లిపి రవీంద్ర నిన్న ఉదయం రాఘవేంద్రరావు ఇంటికి వచ్చి శ్రీరామదాసు చిత్ర కథ తనదేనని ,దాన్ని మీకు 2003లోనే పంపించానని కానీ మీరేమో జేకే భారవి పేరు పెట్టారని ఆరోపిస్తూ రాఘవేంద్రరావు తో వాదులాటకు దిగాడట ! అయితే రాఘవేంద్రరావు అతడితో గొడవ ఎందుకని బయటకు వెళ్ళిపోగా రవీంద్ర అనేవాడు ఆ పక్కనే ఉన్న ఓ రాడ్ అందుకొని రాఘవేంద్రరావు ఇంట్లోకి చొరబడి కార్ల అద్దాలను ద్వంసం చేయడమే కాకుండా ఇంటి అద్దాలను సైతం ద్వంసం చేసాడు . దాంతో ఇంటి వాచ్ మన్ , రాఘవేంద్రరావు తనయుడు ప్రకాష్ రవీంద్ర ని ఓ గదిలో బంధించి పోలీసులకు సమాచారం అందించారు . కాగా పోలీసులు రవీంద్ర ని అరెస్ట్ చేసి స్టేషన్ కు తరలించారు . ఈ సంఘటనతో రాఘవేంద్రరావు కుటుంబం షాక్ కి గురయ్యింది . 

FOLLOW
 TOLLYWOOD
టాప్
 స్టోరీస్
Read More..