రవితేజ మూడు పాత్రలు పోషించనున్నాడట


మాస్ మహారాజ్ తాజాగా టచ్ చేసి చూడు చిత్రాన్ని రిలీజ్ చేస్తున్నాడు కాగా దాని తర్వాత ఏప్రిల్ లో కొత్త సినిమాని సెట్స్ మీదకు తీసుకెళ్లడానికి సన్నాహాలు చేస్తున్నాడు అది కూడా శ్రీను వైట్ల దర్శకత్వంలో . ఆగడు , బ్రూస్ లీ , మిస్టర్ చిత్రాలు వరుసగా డిజాస్టర్ అయి హ్యాట్రిక్ ప్లాప్స్ అందుకున్నాడు శ్రీను వైట్ల దాంతో అతడి తో సినిమా చేయాలంటే హీరోలు భయపడుతున్నారు . అతడికి ఛాన్స్ ఇవ్వడానికి తీవ్ర తర్జన భర్జన పడుతున్న సమయంలో రవితేజ మాత్రం శ్రీను వైట్ల తో సినిమా చేయడానికి ముందుకు వచ్చాడు .

రవితేజ – శ్రీను వైట్ల కాంబినేషన్ లో నీ కోసం , వెంకీ , దుబాయ్ శీను లాంటి హిట్ చిత్రాలు వచ్చాయి ఆ చిత్రాలు అటు శ్రీను వైట్ల ఎదగడానికి అలాగే రవితేజ ఎదగడానికి బాగా ఉపయోగ పడ్డాయి . కట్ చేస్తే ఇప్పుడు మళ్ళీ ఈ ఇద్దరూ కలిసి పనిచేస్తున్నారు . ఇక ఈ సినిమాలో రవితేజ త్రిపాత్రాభినయం పోషించనున్నాడట . అమర్ అక్బర్ ఆంటోనీ పాత్రలను పోషించనున్నట్లు తెలుస్తోంది . మరి ఈ సినిమా తోనైనా శ్రీను వైట్ల హిట్ కొడతాడో చూడాలి .