బాహుబలి 2 రివ్యూ
టాలీవుడ్
 రివ్యూస్

బాహుబలి 2 రివ్యూ

Murali R | Published:May 12, 2017, 12:00 AM IST

నటీనటులు      : ప్రభాస్ , రానా , అనుష్క , తమన్నా , రమ్యకృష్ణ తదితరులు 
సంగీతం          : ఎం ఎం కీరవాణి 
ఛాయాగ్రహణం   : సెంథిల్ కుమార్ 
నిర్మాతలు       : శోభు యార్లగడ్డ , దేవినేని ప్రసాద్ 
దర్శకత్వం       : ఎస్ ఎస్ రాజమౌళి
రేటింగ్           : 3.5/ 5
రిలీజ్ డేట్      : 28 ఏప్రిల్ 2017


 

Editor Review
2015 లో రిలీజ్ అయి సంచలన విజయం సాధించిన బాహుబలి ది బిగినింగ్ చిత్రానికి కొనసాగింపుగా దాదాపు రెండేళ్లకు వచ్చిన రెండో భాగమే ఈ బాహుబలి ది కంక్లూజన్ . ప్రపంచ వ్యాప్తంగా ఈరోజు రిలీజ్ అయిన ఈ సినిమా బాహుబలి ని మించేలా ఉందా ? లేదా అన్నది తెలియాలంటే కథలోకి వెళ్లాల్సిందే . 
 
కథ
 
మాహిష్మతి రాజ్యానికి కాబోయే మహారాజు గా అమరేంద్ర బాహుబలి (ప్రభాస్ ) ని ప్రకటించిన తర్వాత పట్టాభిషేకానికి ఇంకా సమయం ఉన్నందున ఈలోపు దేశవాళీ పరిస్థితులు ,ప్రజల కష్టసుఖాలు తెలుసుకోమని చెప్పి బాహుబలి ని దేశాటన కు పంపిస్తుంది రాజమాత శివగామి ( రమ్యకృష్ణ ). రాజమాత ఆదేశంతో కట్టప్ప ని తోడుగా తీసుకొని కుంతల రాజ్యానికి వెళతాడు బాహుబలి . అక్కడ ధైర్య సాహసాలతో  పాటు సౌందర్యరాశి అయిన ఆ దేశ యువరాణి దేవసేన ( అనుష్క ) ని చూసి మొదటి చూపులోనే ప్రేమిస్తాడు బాహుబలి . అయితే దేవసేన ని బాహుబలి ఇష్టపడుతున్నాడని తెలుసుకున్న భల్లాల దేవుడు (రానా ) కసితో రగిలిపోతారు . సింహాసనం దక్కలేదు అందాల రాశి కూడా వాడి సొంతమేనా అని కుట్ర పన్ని బాహుబలి పట్ల శివగామి మనసు మారేలా చేస్తాడు భల్లాల . దాంతో రాజు కావాల్సిన బాహుబలి సైన్యాధ్యక్షుడు అవుతాడు భల్లాల రాజు అవుతాడు . మాహిష్మతి రాజ్యానికి రాజైన భల్లాల బాహుబలి ని , దేవసేన ని ఎలా ఇబ్బంది పెట్టాడు ? కట్టప్ప చేతనే బాహుబలి ని ఎందుకు చంపించాడు ? తన తండ్రి మరణానికి కారణమైన భల్లాల ని మహేంద్ర బాహుబలి ఎలా అంతం చేసాడు ? అన్నది తెలియాలంటే సినిమా చూడాల్సిందే . 
 
హైలెట్స్
 
ప్రభాస్ 
రానా 
అనుష్క 
రమ్యకృష్ణ 
సత్యరాజ్ 
ఎం ఎం కీరవాణి నేపథ్య సంగీతం 
సెంథిల్ ఛాయాగ్రహణం 
భారీ విజువల్స్ 
రాజమౌళి దర్శకత్వ ప్రతిభ 
 
డ్రా బ్యాక్స్
 
తమన్నా క్యారెక్టర్ కు ప్రాధాన్యత లేకపోవడం 
 
నటీనటుల ప్రతిభ : 
 
అమరేంద్ర బాహుబలి గా మహేంద్ర బాహుబలి గా రెండు పాత్రలలో కూడా విభిన్నత చూపించి ఆకట్టుకున్నాడు ప్రభాస్ . బాహుబలి పాత్రకు ప్రభాస్ ని తప్ప మరొకరిని ఊహించుకోలేం అంత గొప్పగా నటించాడు . రాజసం , వీరత్వం , కరుణ , ప్రేమ , ధీరత్వం ప్రదర్శించి నభూతో నభవిష్యత్ అనేలా రెండు క్యారెక్టర్ లకు ప్రాణ ప్రతిష్ట చేసి నట విశ్వరూపం చూపించాడు  ప్రభాస్ . 
భల్లాల దేవుడి గా రానా కూడా క్రూరత్వాన్ని ప్రదర్శించి విలక్షణత చాటుకున్నాడు . ప్రభాస్ తో పోటీపడి నటించి బాహుబలి కి నేనే సరైన విలన్ అనిపించాడు . 
దేవసేన గా నటించిన అనుష్క మరోసారి తన కెరీర్ లో చిరస్థాయిగా నిలిచి పోయే పాత్ర పోషించింది . కుంతలరాజ్య యువరాణి గా ధైర్య సాహసాలు ప్రదర్శించే పాత్రలో మెరిసింది . అనుష్క బాహుబలి 2 లో మరింత అందంగా ఉంది . రాజసం ఉట్టిపడేలా నటించింది . 
రాజమాత శివగామి గా రమ్యకృష్ణ మరోసారి సత్తా చాటింది . రమ్యకృష్ణ ఈ పాత్రకి ఒప్పుకోవడంతో బాహుబలి స్థాయి కూడా పెరిగింది . 
కుమారవర్మ గా నటించిన సుబ్బరాజు మెప్పించాడు . అలాగే కట్టప్ప గా సత్యరాజ్ , బిజ్జల దేవుడి గా నాజర్ తమ తమ పాత్రల్లో ఒదిగిపోయారు . 
 
సాంకేతిక వర్గం
 
బాహుబలి చిత్రానికి ఎం ఎం కీరవాణి నేపథ్య  సంగీతం , సెంథిల్ కుమార్ ఛాయాగ్రహణం, విజువల్ ఎఫెక్ట్స్  హైలెట్స్ గా నిలిచాయి . కీరవాణి విషయానికి వస్తే ..... రాజమౌళి కి కీరవాణి కి మంచి అండర్ స్టాండింగ్ ఉంది కాబట్టి ఆ బాండింగ్ ఏంటో ఈ సినిమా రీ రికార్డింగ్ తో మరోసారి నిరూపించాడు . నేపథ్య సంగీతం తో మరో లెవల్ కు తీసుకెళ్లాడు కీరవాణి . రీ రికార్డింగ్ అద్భుతంగా ఇచ్చిన కీరవాణి పాటలను మాత్రం అనుకున్న రేంజ్ లో ఇవ్వలేక పోయాడు . రెండు పాటలు చాలా బాగున్నాయి . 
సెంథిల్ కుమార్ ఛాయాగ్రహణం మరో హైలెట్ గా నిలిచింది . విజువల్ గా రాజమౌళి ఆలోచనలకు సరికొత్త రూపం ఇచ్చి తనదైన ముద్ర వేసాడు సెంథిల్ కుమార్ . 
విజువల్ ఎఫెక్ట్స్ : కుంతలా రాజ్యాన్ని , మాహిష్మతి రాజ్యాన్ని అందంగా రూపొందించి ప్రేక్షకులను సంభ్రమాశ్చర్యాలకు గురి చేసారు అద్భుతమైన విజువల్స్ తో . 
ఖర్చు కు వెనుకాడకుండా అనే పదానికి నిర్వచనం అంటే కేవలం బాహుబలి అని చెప్పకతప్పదు . రాజమౌళి విజన్ ని నమ్మి ఇంత పెద్ద మొత్తాన్ని పెట్టడానికి ముందుకు వచ్చిన నిర్మాతలు శోభు యార్లగడ్డ , దేవినేని ప్రసాద్ లను నిజంగా అభినందించాలి . 
ఇక దర్శకులు ఎస్ ఎస్ రాజమౌళి విషయానికి వస్తే ........ ఇండియన్ సెల్యులాయిడ్ కు సరికొత్త నిర్వచనం ఇచ్చాడు బాహుబలి చిత్రంతో . రాజమౌళి ఆయుధమే సెంటిమెంట్ ....... హీరోఇజం . ఎక్కడ తగ్గాలో ఎక్కడ నరాలు జివ్వు మనేలా దృశ్యం ని చూపించాలో రాజమౌళి కి తెలిసినంతగా ఎవ్వరికి తెలియదు అంటే అతిశయోక్తి కాదేమో . తెలుగు సినిమాని అంతర్జాతీయ స్థాయికి తీసుకెళ్లాడు జక్కన్న . 
 
ఓవరాల్ గా
 
అద్భుతమైన విజువల్స్ , ప్రభాస్ , రానా , అనుష్క , రమ్యకృష్ణ ల నటన , కీరవాణి నేపథ్య సంగీతం , సెంథిల్ కుమార్ కెమెరా పనితనం అన్నింటిని మించి ఓటమి ఎరుగని దర్శక ధీరుడు ఎస్ ఎస్ రాజమౌళి  బాహుబలి 2 ని విజువల్ వండర్ గా తీర్చి దిద్దాడు . బాహుబలి ని చూస్తూ తెలుగు వాడిగా పొంగి పోవడం ఖాయం . 


Comments

LATEST GALLERY


Dil Raju Birthday Press Meet Photos


MCA Movie Posters


Chalo Movie Stills


MCA Pre Release Event Photos


MCA Movie Posters


Sana Makbul Latest Stills


Suriya Gang Movie First Look


2 Countries Movie Audio Launch


Sony Charishta Latest Photos


Deeksha Panth New Stills


Victory Venkatesh.Latest Stills


Juliat Lover of Idiot Press Meet


Agnyathavasi Movie Poster


Dr Rajasekhar walks on Marks and Spencer London Fashion Show


Celbs at Maa Curtain Raiser Function

టాప్
 స్టోరీస్
Read More..
FOLLOW
 TOLLYWOOD