Home రివ్యూస్ ఫిదా రివ్యూ
టాలీవుడ్
 రివ్యూస్

ఫిదా రివ్యూ



Friday July 21st 2017

నటీనటులు    : వరుణ్ తేజ్ , సాయి పల్లవి తదితరులు 
సంగీతం        : శక్తి కాంత్ 
నిర్మాత        : దిల్ రాజు 
దర్శకత్వం     : శేఖర్ కమ్ముల 
రేటింగ్         : 3/ 5
రిలీజ్ డేట్     : 21 జూలై 2017


 

Editor Review
వరుణ్ తేజ్ తో పాటు శేఖర్ కమ్ముల కూడా చాలాకాలంగా హిట్ కోసం ఎదురు చూస్తున్నారు . సరిగ్గా అదే సమయంలో ఈ ఇద్దరి కాంబినేషన్ లో దిల్ రాజు నిర్మించిన చిత్రం ఫిదా . ఈరోజు రిలీజ్ అయిన ఫిదా ప్రేక్షకులను అలరించేలా రూపొందిందా ? లేదా ? అన్నది తెలియాలంటే కథ లోకి వెళ్లాల్సిందే . 
 
కథ : 
 
అమెరికాలో స్థిరపడిన కుటుంబానికి చెందినవాడు డాక్టర్ వరుణ్ ( వరుణ్ తేజ్ ) . తన అన్న పెళ్లి కోసం అమెరికా నుండి బాన్స్ వాడ కు వస్తాడు . అక్కడ అన్న కు కాబోయే భార్య చెల్లెలు భానుమతి ( సాయి పల్లవి )ని ప్రేమిస్తాడు వరుణ్ . భానుమతి కూడా వరుణ్ ని ఇష్టపడుతుంది అయితే ఇద్దరి మధ్య మనస్పర్థలు రావడంతో వరుణ్ అమెరికా వెళ్ళిపోతాడు . అయితే భానుమతి ని మర్చిపోలేక తన ప్రేమని వ్యక్తం చేస్తాడు కానీ భానుమతి వరుణ్ ప్రేమని నిరాకరిస్తుంది . భానుమతి వరుణ్ ని ప్రేమించినప్పటికీ ఎందుకు నిరాకరించింది ? చివరకు ఆ ఇద్దరు ఒకటి అయ్యారా ? లేదా ? అన్నది తెలియాలంటే సినిమా చూడాల్సిందే . 
 
హైలెట్స్ : 
 
వరుణ్ తేజ్ 
సాయి పల్లవి 
ఫస్టాఫ్ 
సంగీతం 
కామెడీ 
 
డ్రా బ్యాక్స్ : 
 
క్లైమాక్స్ 
సినిమా నిడివి 
సెకండాఫ్ లో కొన్ని సీన్స్ 
 
నటీనటుల ప్రతిభ : 
 
ఫిదా సినిమాతో తెలుగు ప్రేక్షకులకు పరిచయమైన సాయి పల్లవి తనదైన నటనతో చెరగని ముద్ర వేసింది ఒక్క మాటలో చెప్పాలంటే ఈ సినిమా టైటిల్ కి తగ్గట్లుగా ప్రేక్షకులను మాత్రమే కాదు యావత్ సినిమా రంగాన్ని ఫిదా చేసింది సాయి పల్లవి . తెలంగాణ బాష నేర్చుకొని డబ్బింగ్ చెప్పడం మరో మచ్చుతునక . అయితే కొన్ని సన్నివేశాల్లో కాస్త ఓవర్ గా కూడా చేసింది . ఇక అమెరికా అబ్బాయి గా వరుణ్ తేజ్ బాగా సెట్ అయ్యాడు . సాయి చంద్ చాలాకాలం తర్వాత ఈ సినిమాలో నటించాడు . అతడి క్యారెక్టర్ కూడా బాగుంది . 
 
సాంకేతిక వర్గం : 
 
దిల్ రాజు నిర్మాణ విలువలు బాగున్నాయి , శక్తికాంత్ సంగీతం ఈ సినిమాకు మరింత ఆకర్షణగా నిలిచింది . విజయ్ సి కుమార్ సినిమాటోగ్రఫీ తో సినిమా మరింత అందంగా ఉంది . విజువల్స్ బాగున్నాయి ఇక శేఖర్ కమ్ముల విషయానికి వస్తే ...... లవ్ స్టోరీ నేపథ్యంలో కథ , కథనాన్ని ఎంచుకొని అదే స్థాయిలో రక్తికట్టించారు దర్శకులు . డైలాగ్స్ కూడా ఆకట్టుకున్నాయి . ఎటువంటి హడావుడి లేకుండా సాఫిగా సాగిపోయేలా శేఖర్ కమ్ముల తన మార్క్ చూపించారు . చాలారోజుల తర్వాత ప్రేక్షకులను ఫిదా అయ్యేలా చేసాడు శేఖర్ కమ్ముల , అయితే సినిమా నిడివి కాస్త తగ్గించి ఉంటే బాగుండేది . 
 
ఓవరాల్ గా : 
 
ప్రేక్షకులు ఫిదా
టాప్
 స్టోరీస్
Read More..
FOLLOW
 TOLLYWOOD