Home రివ్యూస్ ఇదేం దెయ్యం రివ్యూ
టాలీవుడ్
 రివ్యూస్

ఇదేం దెయ్యం రివ్యూ



Friday August 04th 2017

నటీనటులు    : మాగంటి శ్రీనాధ్ , రచ్చరవి , కిర్రాక్ ఆర్పీ , సాక్షి కక్కర్ ,రచన , రుచి పాండే

సంగీతం        : బాలు స్వామి

నిర్మాత        : సరిత

దర్శకత్వం    : రవివర్మ

రేటింగ్         : 3/ 5

రిలీజ్ డేట్     : 4 ఆగస్టు 2017


 

Editor Review
జబర్దస్త్ ప్రోగ్రాం తో బుల్లితెర ప్రేక్షకులను అలరిస్తున్న రచ్చ రవి , కిర్రాక్ ఆర్పీ లతో పాటు శ్రీనాధ్ హీరోలుగా సాక్షి కక్కర్ , రచన స్మిత్ , రుచి పాండే హీరోయిన్ లుగా రవివర్మ దర్శకత్వంలో సరిత నిర్మించిన చిత్రం '' ఇదేం దెయ్యం '' . హర్రర్ నేపథ్యంలో రూపొందిన ఈ దెయ్యం చిత్రం ప్రేక్షకులను అలరించేలా ఉందా ? లేదా అన్నది తెలియాలంటే కథ లోకి వెళ్లాల్సిందే . 
 
కథ : 
 
పెద్దలు చూపించిన సంబంధాలు చేసుకోకుండా ప్రేమించి పెళ్లి చేసుకోవాలనుకుంటారు ముగ్గురు యువకులు . అయితే వాళ్లకు బుద్ది చెప్పడానికి ఓ బంగాళా కు పంపిస్తాడు మాంత్రికుడు . అదే బంగళాలో అప్పటికే ముగ్గురు అందమైన అమ్మాయిలు ఉంటారు . ఈ ఆరుగురు కూడా ఒకరినొకరు ప్రేమించుకుంటారు . కానీ ప్రేమని వ్యక్తం చేయరు . తమ ప్రేమని వ్యక్తం చేయాలనుకునే సమయానికి ఆ  ముగ్గురు అమ్మాయిలకు దెయ్యం పట్టిందని తెలుసుకొని ఆ బంగాళా నుండి పారిపోవాలని అనుకుంటారు . కానీ మంత్రశక్తి వల్ల ఆ బంగాళా నుండి ముగ్గరు యువకులు పారిపోలేరు. చివరకు ఆ బంగాళా నుండి ఆ ముగ్గురు యువకులు బయట పడ్డారా ? లేదా ? ముగ్గురు అమ్మాయిలకు పట్టిన దెయ్యం వదిలిందా ? లేదా ? అన్నది తెలియాలంటే సినిమా చూడాల్సిందే . 
 
నటీనటుల ప్రతిభ : 
 
ముగ్గురు యువకులు గా శ్రీనాద్ , రచ్చ రవి , కిర్రాక్ ఆర్పీ  బాగానే నటించారు . రచ్చ రవి , ఆర్పీ లు నవ్వించడంలో రాటు దేలారు కాబట్టి ఆ పాత్రలలో  మరింతగా రాణించారు . ఇక ముగ్గురు అమ్మాయిలు సాక్షి కక్కర్ , రచన స్మిత్ , రుచి పాండే లు పోటీ పడి అందాలను ఆరబోశారు . భయపెట్టడం కంటే అందాలను తెర నిండా పరిచి కుర్రాళ్లు ఫిదా అయ్యేలా చేసారు . అలాగే మిగిలిన పాత్రల్లో జీవా , గౌతమ్ రాజు , జబర్దస్త్ అప్పారావు లు తమతమ పాత్రల పరిధి మేరకు నటించారు . 
 
సాంకేతిక వర్గం : 
 
బాలు స్వామి అందించిన పాటలు బాగున్నాయి , నేపథ్య సంగీతం కూడా సినిమాకు ప్లస్ అయ్యింది . కెపి ఛాయాగ్రహణం ఫరవాలేదు . నిర్మాణ విలువలు బాగానే ఉన్నాయి . ఇక దర్శకుడు రవివర్మ విషయానికి వస్తే హర్రర్ నేపథ్యానికి హాస్యం ని జోడించి చేయాలనే ప్రయత్నం ఫరవాలేదని పిస్తుంది . కామెడీ కొన్ని చోట్ల బాగానే పేలింది . కాస్త తక్కువ భయపెట్టినప్పటికీ మొదటి ప్రయత్నం లోనే మంచి అటెంప్ట్ చేసాడు రవివర్మ . 
 
ఓవరాల్ గా : 
 
హర్రర్ సినిమాలు , హీరోయిన్ ల అందాలను కోరుకునే వాళ్లకు ఇదేం దెయ్యం మంచి ఛాయిస్
టాప్
 స్టోరీస్
Read More..
FOLLOW
 TOLLYWOOD