Home రివ్యూస్ కేశవ రివ్యూ
టాలీవుడ్
 రివ్యూస్

కేశవ రివ్యూ



Friday May 19th 2017

నటీనటులు : నిఖిల్ , రీతూ వర్మ , అజయ్ తదితరులు 
సంగీతం : ఎం ఆర్ సన్నీ 
 నిర్మాత : అభిషేక్ నామా 
దర్శకత్వం : సుధీర్ వర్మ 
రేటింగ్ : 3/ 5
రిలీజ్ డేట్ : 19 మే 2017


 

Editor Review
విభిన్న కథా చిత్రాలను ఎంచుకుంటూ కెరీర్ లో ముందుకు దూసుకుపోతున్న హీరో నిఖిల్ . స్వామి రారా వంటి హిట్ చిత్రాన్ని అందించిన సుధీర్ వర్మ దర్శకత్వంలో మరోసారి '' కేశవ '' గా ప్రేక్షకుల ముందుకు వచ్చాడు నిఖిల్ . ఈరోజు రిలీజ్ అయిన ఈ సినిమా ప్రేక్షకులను అలరించేలా ఉందా ? లేదా ? అన్నది తెలియాలంటే కథ లోకి వెళ్లాల్సిందే . 
 
కథ
 
అందరికీ గుండె ఎడమ వైపున ఉంటే కేశవ(నిఖిల్ ) కు మాత్రం కుడి వైపున ఉంటుంది . దాంతో ఎక్కువ టెన్షన్ పడినా గుండె ఆగిపోతుంది దాంతో కూల్ గానే ఉంటూ పోలీసులను మాత్రం కిరాతకంగా చంపేస్తుంటాడు . వరుసగా పోలీసుల హత్యలు జరుగుతుండటం తో ఆ హత్యల కేసుని చేధించడానికి స్పెషల్ ఆఫీసర్ షర్మిల ( ఇషా కొప్పికర్ ) ని నియమిస్తారు . డిగ్రీ చదువుతున్న కేశవ పోలీసులను ఎందుకు చంపుతున్నాడు ? షర్మిల పోలీసుల హత్య లను ఆపగలిగిందా ? చివరకు ఏమైంది అన్నది తెలియాలంటే సినిమా చూడాల్సిందే . 
 
హైలెట్స్ : 
 
నిఖిల్ నటన 
స్క్రీన్ ప్లే 
రన్ టైం 
 
డ్రా బ్యాక్స్ : 
 
సెకండాఫ్ 
స్లో నేరేషన్ 
 
నటీనటుల ప్రతిభ : 
 
నిఖిల్ కెరీర్ లో నిజంగానే డిఫరెంట్ సినిమా ఈ కేశవ . పైగా పెర్ఫర్మెన్స్ పరంగా కూడా చాలా సెటిల్డ్ గా చేసి ప్రేక్షకుల మెప్పు పొందాడు . 
 నిఖిల్ లుక్ పరంగా , కంటెంట్ పరంగా కూడా ఈ సినిమాకు సరిగ్గా సరిపోయింది . ఇషా కొప్పికర్ స్పెషల్ ఆఫీసర్ గా సరిగ్గా సరిపోయింది అయితే క్యారెక్టర్ పరంగా మరింత పవర్ ఫుల్ గా ఉంటే బాగుండేది . రీతూ వర్మ అందంగా ఉంది , అలాగే అభినయం కూడా బాగుంది . ఇక మిగిలిన పాత్రల్లో వెన్నెల కిషోర్ , సత్య , ప్రియదర్శి నవ్వించి మెప్పించారు . 
 
సాంకేతిక వర్గం : 
 
సుధీర్ వర్మ దర్శకుడిగా మరోసారి తన సత్తా చాటాడు . ఫస్టాఫ్ ని బాగా మెప్పించిన సుధీర్ సెకండాఫ్ కు వచ్చేసరికి కొంతవరకు తేలిపోయినప్పటికీ మళ్ళీ చివర్లో మెప్పించాడు . ఇంతకుముందు నిఖిల్ తో స్వామి రారా వంటి సూపర్ హిట్ చిత్రాన్ని అందించిన సుధీర్ వర్మ ఈ కేశవ ని కూడా మెరుగ్గానే తీర్చి దిద్దాడు . ఎం ఆర్ సన్నీ రీ రికార్డింగ్ ఈ సినిమాకు ప్లస్ అయ్యింది అయితే పాటల పరంగా అంతగా గుర్తుండిపోయే ట్యూన్స్ మాత్రం ఇవ్వలేక పోయాడు . దివాకర్ ఛాయాగ్రహణం కూడా ఈ సినిమాకు మరో హైలెట్ . అభిషేక్ నిర్మాణ విలువలు బాగున్నాయి . 
 
ఓవరాల్ గా : 
 
రివేంజ్ డ్రామాగా తెరకెక్కిన నిఖిల్ కేశవ సూపర్ హిట్ రేంజ్ కాకపోయినా హిట్ మాత్రం అనిపించుకుంది . నిఖిల్ విభిన్న నటన , వెన్నెల కిషోర్ , సత్య , ప్రియదర్శి ల కామెడీ వెరసి కేశవ సినిమాని హిట్ అయ్యేలా చేసాయి . 
టాప్
 స్టోరీస్
Read More..
FOLLOW
 TOLLYWOOD