Home రివ్యూస్ నక్షత్రం రివ్యూ
టాలీవుడ్
 రివ్యూస్

నక్షత్రం రివ్యూ



Friday August 04th 2017

నటీనటులు    : సాయి ధరమ్ తేజ్ , సందీప్ కిషన్ , రెజీనా , ప్రగ్యా జైస్వాల్ 
రీ రికార్డింగ్     : మణిశర్మ 
నిర్మాతలు     : శ్రీనివాస్ , వేణుగోపాల్ , సజ్జు 
దర్శకత్వం     : కృష్ణవంశీ 
రేటింగ్         : 1/ 5
రిలీజ్ డేట్     : 4 ఆగస్టు 2017


 

Editor Review
కృష్ణవంశీ చాలారోజుల తర్వాత దర్శకత్వం వహించిన చిత్రం '' నక్షత్రం ''. సాయిధరమ్ తేజ్ , సందీప్ కిషన్ , రెజీనా , ప్రగ్యా , ప్రకాష్ రాజ్ తదితరులు నటించిన ఈ చిత్రం ఈరోజు రిలీజ్ అయ్యింది . మరి ఈ సినిమా ప్రేక్షకులను అలరించేలా రూపొందిందా ? లేదా ? అన్నది తెలియాలంటే కథ లోకి వెళ్లాల్సిందే . 
 
కథ : 
 
ఎస్సై కావాలని ఆశపడే రామారావు ( సందీప్ కిషన్ ) అనుకోకుండా పోలీస్ కమీషనర్ కొడుకు రాహుల్ ( తనీష్ ) తో గొడవ పడతాడు దాంతో రామారావు పై కక్ష్య కట్టిన రాహుల్ అతడికి ఎస్సై ఉద్యోగం రాకుండా చేస్తాడు . పోలీస్ ఉద్యోగం రాకపోవడంతో చావాలని అనుకుంటాడు కానీ న్యాయాన్ని కాపాడటానికి ఉద్యోగం రాకపోయినప్పటికీ అలెగ్జా0డర్ గా  పోలీస్ అవతారం ఎత్తుతాడు . అసలు అలెగ్జా0డర్ ఎవరు ? రామారావు కి అతడికి సంబంధం ఏంటి ? చివరకు రామారావు కు పోలీస్ ఉద్యోగం వచ్చిందా ? లేదా ? అన్నది తెలియాలంటే సినిమా చూడాల్సిందే . 
 
హైలెట్స్ : 
 
సాయి ధరమ్ తేజ్ 
సందీప్ కిషన్ 
రెజీనా గ్లామర్ 
ప్రగ్యా జైస్వాల్ అందాలు 
 
డ్రా బ్యాక్స్ : 
 
సినిమా మొత్తం 
 
నటీనటుల ప్రతిభ : 
 
పాత్ర చిన్నదే అయినప్పటికీ తనదైన మార్క్ తో మెప్పించాడు మెగా మేనల్లుడు సాయి ధరమ్ తేజ్ . సందీప్ కిషన్ కూడా తన పాత్ర కు ప్రాణం పెట్టి చేసాడు . నెగెటివ్ రోల్ లో తనీష్ మెప్పించాడు . ఇక ఇద్దరు అందమైన భామలు రెజీనా , ప్రగ్యా జైస్వాల్ లు పోటీ పడి అందాలను ఆరబోసి ప్రేక్షకులను మత్తులో ముంచెత్తారు . ప్రగ్యా యాక్షన్ తో కూడా మెప్పించింది . ఇతర పాత్రల్లో ప్రకాష్ రాజ్ , బ్రహ్మాజీ , శివాజీరాజా లు తమతమ పాత్రల పరిధి మేరకు రాణించారు . 
 
సాంకేతిక వర్గం : 
 
దర్శకులు కృష్ణవంశీ ఏ దశలో కూడా తన మార్క్ ని చూపించలేకపోయాడు . సరైన దశ దిశా లేని కథనం తో ప్రేక్షకులకు చిరాకు తెప్పించాడు . హీరోయిన్ లచేత అంగాంగ ప్రదర్శన చేయించిన ఆసక్తి కథ , కథనం పై పెట్టి ఉంటే బాగుండేది . పాటలకంటే నేపథ్య సంగీతం బాగుంది . మణిశర్మ నేపథ్య సంగీతం అందించాడు . నిర్మాణ విలువలు , ఛాయాగ్రహణం బాగున్నాయి . 
 
ఓవరాల్ గా : 
 
నక్షత్రం అని వెళ్లిన ప్రేక్షకులకు కళ్ళు బైర్లు కమ్మేలా చేసారు .
టాప్
 స్టోరీస్
Read More..
FOLLOW
 TOLLYWOOD