Home రివ్యూస్ మిక్చర్ పొట్లం రివ్యూ
టాలీవుడ్
 రివ్యూస్

మిక్చర్ పొట్లం రివ్యూ



Saturday May 20th 2017

నటీనటులు : శ్వేతా బసు ప్రసాద్ , జయంత్ , భానుచందర్ తదితరులు 
సంగీతం : మాధవపెద్ది సురేష్ 
నిర్మాతలు : వీరన్న చౌదరి , లంకలపల్లి శ్రీనివాసరావు , లక్ష్మీ ప్రసాద్ 
దర్శకత్వం : ఎం వి సతీష్ కుమార్ 
రేటింగ్ : 3/ 5
రిలీజ్ డేట్ : 19 మే 2017


 

Editor Review
శ్వేతాబసు ప్రసాద్ కీలక పాత్రలో భానుచందర్ , సుమన్ , జయంత్ , గీతాంజలి , కృష్ణభగవాన్ , అలీ , పోసాని తదితరులు నటించిన చిత్రం మిక్చర్ పొట్లం . ఎంవి సతీష్ కుమార్ దర్శకత్వంలో గోదావరి సినీ టోన్ పతాకంపై లక్ష్మి ప్రసాద్ , వీరన్న చౌదరి , శ్రీనివాసరావు సంయుక్తంగా నిర్మించినఈ  చిత్రం మే 19న రిలీజ్ అయ్యింది . కామెడీ జోనర్ లో తెరకెక్కిన ఈ మిక్చర్ పొట్లం ప్రేక్షకులను అలరించేలా రూపొందిందా ? లేదా ? అన్నది తెలియాలంటే కథలోకి వెళ్లాల్సిందే . 
 
కథ
 
సువర్ణ సుందరి ( శ్వేతాబసు ప్రసాద్ ) ట్రావెల్స్ యజమాని . కసక్కు లాంటి సువర్ణ సుందరి బస్సు కు చాలా డిమాండ్ ఉంటుంది . ఆమె  బస్సు ఎక్కాలని తహతహలాడుతుంటారు జనాలు  . అమలాపురం నుండి షిర్డీ కి సువర్ణసుందరి బస్సు బయలుదేరుతుంది . అయితే మార్గ మద్యంలోనే సువర్ణ సుందరి బస్సులో ఉన్నవాళ్ళ ని నక్సలైట్లు కిడ్నాప్ చేస్తారు . సువర్ణ సుందరి బస్సు నే నక్సలైట్లు ఎందుకు కిడ్నాప్ చేసారు ? నక్సలైట్లు ప్రభుత్వానికి ఎటువంటిడిమాండ్లు పెట్టారు ? చివరకు బందీలు విడుదల అయ్యారా ? లేదా అన్నది తెలియాలంటే సినిమా చూడాల్సిందే . 
 
హైలెట్స్
 
శ్వేతాబసు ప్రసాద్ 
భానుచందర్ 
పోసాని 
3 పాటలు 
 
డ్రా బ్యాక్స్
 
నిడివి ఎక్కువ ఉండటం 
 
నటీనటుల ప్రతిభ
 
సువర్ణ సుందరి గా శ్వేతాబసు ప్రసాద్ మెప్పించింది .రీ ఎంట్రీలో  అభినయం కంటే గ్లామర్ తో మరింతగా  ఆకట్టుకుంది . నక్సలైట్ నాయకుడి గా భానుచందర్ నటన బాగుంది . హోం మినిష్టర్ గా విలనిజాన్ని పండించడమే కాకుండా నవ్వించాడు పోసాని . అలాగే మిగిలిన పాత్రల్లో జయంత్ , గీతాంజలి జంట బాగుంది . కృష్ణభగవాన్ , అలీ , జూనియర్ రేలంగి , కంటే వీరన్న చౌదరి హాస్యంతో అలరించారు . 
 
సాంకేతిక వర్గం : 
 
ఫస్టాఫ్ ని కామెడీ జోనర్ లో నడిపించిన దర్శకుడు ఇంటర్వెల్ బ్లాక్ అదిరిపోయేలా ఇచ్చాడు . కామెడీ తో రన్ అవుతున్న సినిమా ఒక్కసారిగా నక్షలైట్ల ఎంట్రీ తో మరో మలుపు తిరిగి సెకండాఫ్ ఎలా ఉండబోతోందో అన్న టెన్షన్ ని క్రియేట్ చేయడంలో సక్సెస్ అయ్యాడు సతీష్ కుమార్ . కృష్ణభగవాన్ , అలీ , కంటే వీరన్న చౌదరి ల మధ్య ఫన్ జనరేట్ అయ్యేలా చేసాడు . అలాగే శ్వేతాబసు నుండి ఏం కోరుకుంటారో అది అందించి కుర్రాళ్లకు గాలం వేసాడు . కిడ్నాప్ నేపథ్యంలో సెకండాఫ్ బాగానే రక్తికట్టింది అయితే ఇంకాస్త జాగ్రత్తలు తీసుకొని ఉంటే మరింతగా స్క్రీన్ ప్లే ని  బెటర్ మెంట్ చేసి ఉంటే పెద్ద హిట్ అయ్యేది ఈ మిక్చర్ పొట్లం . నటీనటుల నుండి , సాంకేతిక నిపుణుల నుండి తనకు రావాల్సిన దాన్ని రాబట్టుకున్నాడు దర్శకులు  సతీష్ కుమార్ . చాలాకాలం తర్వాత మాధవపెద్ది సురేష్ సంగీతం అందించిన సినిమా ఇది . మూడు పాటలు బాగున్నాయి . ఇక ఛాయాగ్రాహకులు కళ్యాణ్ సమీ అందించిన సినిమాటో గ్రఫీ చాలా బాగుంది . అలాగే నిర్మాణ విలువలు కూడా బాగున్నాయి . 
 
ఓవరాల్ గా
 
శ్వేతాబసు ప్రసాద్ గ్లామర్ , కృష్ణభగవాన్ , పోసాని , అలీ , కంటే వీరన్న చౌదరి ల కామెడీ , భానుచందర్ నక్సలిజం వెరసి మిక్చర్ పొట్లం ఈ వారం మంచి రిలీఫ్ ఇచ్చే సినిమా అని చెప్పొచ్చు . 
టాప్
 స్టోరీస్
Read More..
FOLLOW
 TOLLYWOOD