Home రివ్యూస్ ప్రేమ‌లీల పెళ్లి గోల రివ్యూ
టాలీవుడ్
 రివ్యూస్

ప్రేమ‌లీల పెళ్లి గోల రివ్యూ



Tuesday July 04th 2017

న‌టీన‌టులు:   విష్ణు విశాల్, నిక్కీ గ‌ల్రానీ త‌దిత‌రులు
ద‌ర్శ‌క‌త్వం : ఎళిల్ 
నిర్మాత :పారస్ జైన్
 రేటింగ్ 3/5


 

Editor Review
తమిళనాట విజయం సాధించిన '' వెళ్ళైకారన్ '' చిత్రాన్ని తెలుగులో '' ప్రేమ లీల - పెళ్లి గోల '' గా తెలుగులో రిలీజ్ చేసారు మహావీర్ ఫిలిమ్స్ అధినేత పారస్ జైన్ . ఎన్నో విజయవంతమైన చిత్రాలను నిర్మించడమే కాకుండా , పంపిణీదారుడుగా సంచలన విజయాలను అందుకున్న పారస్ జైన్ మరి ఈ సినిమాతో విజయం అందుకున్నాడా ? లేదా చూద్దాం . 
 
కథ : 
 
ఎం ఎల్ ఏ ఆధ్వర్యంలో 25 జంటలకు ఒకేసారి పెళ్లి చేయాలనీ నిర్ణయించుకుంటారు ఎం ఎల్ ఏ సన్నిహితుడు మురళి (విష్ణు విశాల్ ). అయితే తీరా పెళ్లి సమయానికి కొంతమంది పెళ్లికొడుకులు , ఒక పెళ్లి కూతురు పారిపోతుంది . దాంతో ఊళ్ళో ఉన్న యువకులను కిడ్నాప్ చేస్తాడు మురళి అయితే ఒక పెళ్లి కొడుకు తక్కువ పడటంతో తన మిత్రుడైన కరక్కాయ్ ( సూరి ) ని కూడా తీసుకెళ్లి మోసపూరితంగా పుష్ప అనే యువతి తో పెళ్లి చేయిస్తాడు . అదే సమయంలో ఎస్సై కావాలనుకునే అర్చన ( నిక్కీ గల్రాని ) ని చూసి లవ్ లో పడతాడు మురళి . పుష్ప అనే యువతి పెద్ద కేసు అని తెలియడంతో ఆమె నుండి విడాకులు తీసుకోవడానికి కరక్కాయ్ ఎలాంటి ఇబ్బందులను ఎదుర్కొన్నాడు . చివరకు ఏమైంది అన్న విషయం తెలియాలంటే సినిమా చూడాల్సిందే . 
 
హైలెట్స్ : 
 
ఎంటర్ టైన్మెంట్ 
సూరి పాత్ర 
సెకండాఫ్ 
 
డ్రా బ్యాక్స్ : 
 
ఫస్టాఫ్ కొంత భాగం 
 
నటీనటుల ప్రతిభ : 
 
 విష్ణు విశాల్ హీరోగా మెప్పించాడు , మంచి నటన ని కనబరిచాడు . ఇక ఈ సినిమాకు హైలెట్ అంటే కమెడియన్  సూరి . పుష్ప భర్త గా నవ్వులు పూయించారు , అంతేకాదు పుష్ప నుండి విడాకుల కోసం పరితపించే కరక్కాయ్ పాత్రలో సినిమా అంతా వినోదాన్ని పంచాడు .అలాగే హీరోయిన్ నిక్కీ గల్రాని పాత్ర ఫరవాలేదు . ఇక మరో విశేషం ఏంటంటే ఎం ఎల్ ఏ పాత్రతో పాటు విలన్ పాత్రలతో కూడా నవ్వుల పువ్వులు పూయించాడు దర్శకుడు . 
 
సాంకేతిక వర్గం : 
 
చిత్ర నిర్మాణ విలువలు బాగున్నాయి , దర్శకులు విషయానికి వస్తే సినిమాని ఆధ్యంతం మంచి ఎంటర్ టైనర్ లా తీర్చి దిద్దాడు , అయితే ఫస్టాఫ్ లో కొంతభాగం ఎడిట్ చేస్తే మరింత బాగుండేది . కెమెరా వర్క్ కూడా బాగుంది . మొత్తానికి ఈ సినిమాకు అన్నీ కుదిరాయి . 
 
ఓవరాల్ గా : 
 
చక్కటి వినోదాన్ని కోరుకునే వాళ్లకు ప్రేమ లీల పెళ్లి గోల కేరాఫ్ అడ్రస్ . 
టాప్
 స్టోరీస్
Read More..
FOLLOW
 TOLLYWOOD