Home Topstories
TOLLYWOOD
 TOP STORIES

మద్యం తాగి పోలీసులకు చుక్కలు చూపించింది

మద్యం తాగిన ఓ యువతి హైదరాబాద్ లోని జూబ్లీహిల్స్ పోలీసులకు చుక్కలు చూపించింది . సంచలనం సృష్టించిన ఈ సంఘటన నిన్న రాత్రి జరిగింది . సుహాని అనే యువతి ఫుల్లుగా మద్యం తాగి డ్రైవింగ్ చేస్తూ పోలీసులకు పట్టుబడింది . డ్రంక్ అండ్ డ్రైవ్ స్పెషల్ డ్రైవ్ నిర్వహిస్తున్న పోలీసులకు సహకరించకుండా నానా హంగామా సృష్టించింది , నాకు ఫలానా వాళ్ళు తెలుసు కావాలంటే ఫోన్ లో మాట్లాడు అంటూ పోలీసుల మీదకే వచ్చింది .      అంతేనా ఒకదశలో పారిపోవడానికి కూడా ప్రయత్నించింది , అయితే చాకచక్యంగా వ్యవహరించిన పోలీసులు ఆ యువతి ని వెంబడించి పట్టుకున్నారు . యువతి కారు ని స్వాధీన చేసుకొని కేసు నమోదు చేసారు . నిన్న ఒక్క జూబ్లీహిల్స్ ఏరియాలోనే 79 కేసులు నమోదు అయ్యాయి . తప్పతాగి డ్రైవ్ చేస్తూ పట్టుబడ్డ వాళ్లకు కౌన్సిలింగ్ ఇస్తామని అంటున్నారు పోలీసు అధికారులు . ఇక డిసెంబర్ 31 న అడ్డంగా బుక్కైన ప్రదీప్ ఇంతవరకు పోలీసుల ఎదుట హాజరు కాలేదు .

పవన్ కళ్యాణ్ తదుపరి చిత్రం బోయపాటితోనా

పవర్ స్టార్ పవన్ కళ్యాణ్ హీరోగా నటించిన అజ్ఞాత వాసి చిత్రం డిజాస్టర్ కావడంతో పవన్ కళ్యాణ్ తో పాటు పవన్ కళ్యాణ్ ఫ్యాన్స్ కూడా తీవ్ర నిరాశకు గురయ్యారు . హిట్ అవుతుందనుకున్న సినిమా ప్లాప్ అయినా లైట్ గా తీసుకునే వాళ్లేమో కానీ ఘోరాతి ఘోరంగా దెబ్బకొట్టడంతో అందరూ షాక్ అయ్యారు దాంతో వెంటనే ఓ బ్లాక్ బస్టర్ కొట్టాలని ఫిక్స్ అయ్యాడట పవన్ కళ్యాణ్ . త్వరలోనే ఎన్నికలకు సిద్ధం కావాలని రాజకీయ కార్యాచరణ కు పూను కోవాలని అనుకున్నాడు కట్ చేస్తే అజ్ఞాత వాసి డిజాస్టర్ కావడంతో మళ్ళీ సినిమాకు రెడీ అవుతున్నాడు పవన్ .      ఇక ఈ సినిమా ఏ జోనర్ , దర్శకుడు ఎవరు అనే కదా మీ డౌట్ ...... పొలిటికల్ బ్యాక్ డ్రాప్ లో సినిమా చేయాలనీ ప్లాన్ చేస్తున్నారట ఇక దర్శకుడు ఊర మాస్ దర్శకుడు బోయపాటి శ్రీను . ఇప్పటికే ఓ దఫా చర్చలు జరిగాయట ! అయితే ఇంకా డిసైడ్ మాత్రం కాలేదు . త్వరలోనే మరోసారి బోయపాటి తో చర్చించాక అప్పుడు తుది నిర్ణయం తీసుకుంటాడట పవన్ . మొత్తానికి పవన్ కున్న ఇమేజ్ కి బోయపాటి తో సినిమా చేస్తే ..... అది పొలిటికల్ సినిమా చేస్తే బాక్స్ లు బద్దలు కావాల్సిందే .

రవితేజ సినిమా ఆగిపోవడానికి కారణం ఏంటి

మాస్ మహరాజ్ రవితేజ తాజాగా సోగ్గాడే చిన్ని నాయనా ఫేమ్ కళ్యాణ్ కృష్ణ దర్శకత్వం లో నటిస్తున్న విషయం తెలిసిందే. ఇటీవలే ప్రారంభమైన ఆచిత్రం దిగ్విజయంగా మొదటి షెడ్యూల్ ని పూర్తి చేసుకుంది. అయితే రెండో షెడ్యూల్ కూడా వెంటనే ప్లాన్ చేసుకున్నారు కానీ తాజాగా అందుతున్న సమాచారం ప్రకారం రెండో షెడ్యూల్ వాయిదాపడినట్లు తెలుస్తోంది. రెండో షెడ్యూల్ అనుకున్న సమయానికి ప్రారంభం కాకుండా వాయిదా పడటంతో రకరకాల ఊహాగానాలు వినిపిస్తున్నాయి.   ఇటీవలే రాజా ది గ్రేట్ చిత్రం తో హిట్ అందుకున్న రవితేజ ప్రస్తుతం టచ్ చేసి చూడు చిత్రాన్ని రిలీజ్ కి సిద్దం చేసాడు. కాగా అది విడుదల కాకుండానే కళ్యాణ్ కృష్ణ సినిమా సెట్స్ మీదకు తీసుకొచ్చాడు కానీ ఫస్ట్ షెడ్యూల్ కాగానే గుసగుసలు మొదలయ్యాయి. అయితే రెండో షెడ్యూల్ ముందుకు సాగకపోవడానికి కారణాలు తెలియాల్సి ఉంది.

ఫిబ్రవరి 16న 'రాజరథం'

నిరూప్‌ భండారి, అవంతిక శెట్టి జంటగా అనూప్‌ భండారి దర్శకత్వంలో జాలీ హిట్స్‌ ప్రొడక్షన్స్‌ సంస్థ నిర్మిస్తున్న చిత్రం 'రాజరథం'. ఈ చిత్రాన్ని ఫిబ్రవరి 16న ప్రపంచ వ్యాప్తంగా విడుదల చేసేందుకు నిర్మాతలు సన్నాహాలు చేస్తున్నారు.    ఈ సందర్భంగా దర్శకుడు, సంగీత దర్శకుడు అనూప్‌ భండారి మాట్లాడుతూ ''రంగితరంగ' వంటి సూపర్‌హిట్‌ మూవీ తర్వాత నా దర్శకత్వంలో వస్తోన్న చిత్రం 'రాజరథం'. ఈ సినిమాకు దర్శకత్వంతో పాటు సంగీతం కూడా సమకూర్చాను. ఇందులో మొత్తం ఏడు పాటలు వున్నాయి. ఈ పాటలకు రామజోగయ్యశాస్త్రిగారు అద్భుతమైన సాహిత్యాన్ని అందించారు. ఈ పాటలకు తప్పనిసరిగా లైవ్‌ ఇన్‌స్ట్రుమెంట్స్‌నే వాడాల్సి వుండంతో వాటితోనే పాటల్ని రికార్డ్‌ చెయ్యడం జరిగింది. చెన్నైలో విజిపి రికార్డింగ్‌ థియేటర్‌ చాలా ఫేమస్‌. పాటలకు దేవి ఆర్కెస్ట్రా ఎరేంజ్‌ చేశారు. స్యాక్స్‌ రాజా చాలా సీనియర్‌ మ్యూజిషియన్‌. ఆయన పాటలకు ఎరేంజ్‌మెంట్స్‌ చేశారు. రిథమ్స్‌ని ఇండియాలోనే బిగ్గెస్ట్‌ స్టూడియో అయిన యశ్‌రాజ్‌ స్టూడియోలో చేశాం. దీపేశ్‌వర్మ రెండు పాటలకు రిథమ్స్‌ ప్లే చేశారు. దాదాపు 60 మంది మ్యూజిషియన్స్‌తో పాటల్ని క్వాలిటీగా రికార్డ్‌ చేశాం. ఆడియోపరంగా, విజువల్‌గా పాటలు అందరికీ నచ్చుతాయి'' అన్నారు.    నిర్మాతల్లో ఒకరైన అజయ్‌రెడ్డి గొల్లపల్లి మాట్లాడుతూ ''రంగితరంగ' వంటి సూపర్‌హిట్‌ చిత్రాన్ని రూపొందించిన టీమ్‌ తెలుగులో 'రాజరథం' చిత్రంతో పరిచయమవుతోంది. టెక్నికల్‌గా హై స్టాండర్డ్స్‌లో ఈ చిత్రాన్ని నిర్మించడం జరిగింది. అనూప్‌ భండారి ఎక్స్‌ట్రార్డినరీ టేకింగ్‌తో, బ్యూటిఫుల్‌ మ్యూజిక్‌తో సినిమాని అద్భుతంగా తీర్చిదిద్దారు. ఫిబ్రవరి 16న 'రాజరథం' చిత్రాన్ని చాలా గ్రాండ్‌గా విడుదల చేయబోతున్నాం'' అన్నారు.    రొమాంటిక్‌ ఎంటర్‌టైనర్‌గా రూపొందుతోన్న 'రాజరథం' చిత్రంలో నిరూప్‌ భండారి, అవంతిక శెట్టి, పి.రవిశంకర్‌ ప్రధాన తారాగణంగా నటిస్తున్నారు. ఈ చిత్రానికి మాటలు: అబ్బూరి రవి, బ్యాక్‌గ్రౌండ్‌ స్కోర్‌: అజనీష్‌ లోక్‌నాథ్‌, ఎడిటింగ్‌: శాంతకుమార్‌, సినిమాటోగ్రఫీ: విలియమ్‌ డేవిడ్‌, ఎగ్జిక్యూటివ్‌ ప్రొడ్యూసర్‌: సుధాకర్‌ సాజ, నిర్మాణం: జాలీహిట్స్‌ టీమ్‌, అంజు వల్లభనేని, విషు దకప్పదారి, సతీష్‌ శాస్త్రి, అజయ్‌రెడ్డి గొల్లపల్లి, సంగీతం, స్క్రీన్‌ప్లే, రచన, దర్శకత్వం: అనూప్‌ భండారి.

చెప్పుతో కొట్టినవాడ్ని పట్టుకుంటారట

పవన్ కళ్యాణ్ తాజా చిత్రం అజ్ఞాత వాసి డిజాస్టర్ కావడంతో ఖమ్మం జిల్లా లోని ఓ అభిమాని పవన్ కళ్యాణ్ పోస్టర్ ని చెప్పుతో కొట్టడమే కాకుండా బూతులు తిడుతూ సదరు వీడియో ని సోషల్ మీడియాలో పోస్ట్ చేసాడు. పవన్ కళ్యాణ్ పోస్టర్ ని చెప్పుతో కొట్టిన వీడియో కాబట్టి తక్కువ వ్యవధిలోనే ఆ వీడియో వైరల్ అయింది దాంతో పవన్ కళ్యాణ్ పోస్టర్ ని చెప్పుతో కొట్టిన వాడ్ని పట్టుకొని తుక్కు తుక్కు కింద కొట్టాలని ఫిక్స్ అయ్యారు పవర్ స్టార్ ఫాన్స్.   అందుకే వీడ్ని పట్టుకోండి అంటూ మరో వీడియో పోస్ట్ చేసారు సోషల్ మీడియాలో. ఈ వీడియో కూడా వైరల్ అవుతోంది ఇప్పుడు. అజ్ఞాత వాసి సినిమా అందరికీ చుక్కలు చూపించింది దాంతో అభిమానుల నుండి బయ్యర్ల దాకా విలవిలాడుతున్నారు. అయితే కొంతమంది అభిమానులు ఎక్కువగా రియాక్ట్ అయి పవన్ కళ్యాణ్ ని తిడుతున్నారు.

ఎన్టీఆర్ సినిమాలోంచి అతడ్ని తీసేసారట

అజ్ఞాత వాసి డిజాస్టర్ కావడంతో ఆ ప్రభావం ఎన్టీఆర్ సినిమాపై పడింది. అజ్ఞాత వాసి ప్లాప్ అయితే ఎన్టీఆర్ కు వచ్చే నష్టం ఏంటి ? అనే కదా మీ డౌట్. ఎన్టీఆర్ - త్రివిక్రమ్ ల కాంబినేషన్ లో ఓ సినిమా ప్రారంభం అయిన విషయం తెలిసిందే. రెగ్యులర్ షూటింగ్ త్వరలోనే ప్రారంభం కానుంది కాగా ఆ చిత్రానికి సంగీత దర్శకుడు గా అనిరుధ్ ని తీసుకున్నారు కట్ చేస్తే అజ్ఞాత వాసి డిజాస్టర్ కావడంతో అనిరుధ్ ని తీసేసారని గుసగుసలు వినిపిస్తున్నాయి ఫిల్మ్ నగర్ సర్కిల్లో.   అజ్ఞాత వాసి చిత్రానికి అనిరుధ్ సంగీతం అందించిన విషయం తెలిసిందే. పాటలు ఓ మోస్తరుగా ఆకట్టుకోగా రీ రికార్డింగ్ మాత్రం ఆకట్టుకోలేదు దాంతో అతడ్ని పక్కన పెట్టినట్లు తెలుస్తోంది. అసలు ఎన్టీఆర్ - త్రివిక్రమ్ ల కాంబినేషన్ లో ఎప్పుడో సినిమా రావాల్సి ఉండే అది ఇన్నాళ్లకు కుదిరింది కట్ చేస్తే అజ్ఞాత వాసి డిజాస్టర్ కావడంతో ఆ ఎఫెక్ట్ ఖచ్చితంగా ఎన్టీఆర్ సినిమాపై పడుతుంది ఎందుకంటే దర్శకుడు త్రివిక్రమ్ కాగా నిర్మాత రాధాకృష్ణ . ....ఈ ఇద్దరు కూడా అజ్ఞాత వాసి దర్శక నిర్మాతలు కాబట్టి.

నా కథని వర్మ బూతుగా మార్చాడు

నేను ఎంతో పవిత్రంగా స్క్రిప్ట్ ని రాసుకుంటే దాన్ని బూతుగా మార్చి నా కథ ని అభాసు పాలు చేసాడని దర్శకులు రాంగోపాల్ వర్మ పై సంచలన ఆరోపణలు చేస్తున్నాడు రచయిత పి . జయకుమార్ . తాజాగా రాంగోపాల్ వర్మ '' గాడ్ ,సెక్స్ అండ్ ట్రూత్ '' అనే అడల్ట్ స్టొరీ ని తెరకెక్కించాడు . పోర్న్ స్టార్ మియా మల్కోవా ని పెట్టి నగ్న షో చేసాడు వర్మ . మొన్న రిలీజ్ చేసిన పోస్టర్ సంచలనం సృష్టించగా తాజాగా గాడ్ , సెక్స్ అండ్ ట్రూత్ ట్రైలర్ పెను సంచలనం సృష్టిస్తోంది . పూర్తిగా న్యూడ్ షోగా సాగిన ఈ ట్రైలర్ కేక పెట్టిస్తోంది అయితే అదే స్థాయిలో విమర్శలు కూడా వస్తున్నాయి . యువత ని పెడ త్రోవ పట్టేలా వర్మ చేస్తున్నాడని ఘాటు విమర్శలు కూడా వస్తున్నాయి .      ఇక ఈ చిత్ర కథకుడు జయకుమార్ విషయానికి వస్తే ....... వర్మ రూపొందించినట్లుగా బూతు పురాణం లా నేను స్క్రిప్ట్ ని రాయలేదని , కానీ వర్మ మాత్రం నా స్క్రిప్ట్ ని పూర్తిగా నగ్నత్వం చేసాడని వర్మ పై నిప్పులు చెరుగుతున్నాడు . దీనిపై వర్మ స్పందిస్తాడా ...... లేదా దున్నపోతు మీద వర్షం పడ్డట్లు లైట్ గా తీసుకుంటాడా చూడాలి . 

మహేష్ రాకపోవడమే మంచిదైందట

గత ఎన్నికల్లో నా తరుపున మహేష్ బాబు ప్రచారం చేయకపోవడమే మంచిదైందని సంచలన వ్యాఖ్యలు చేశాడు మహేష్ బాబు బావ గుంటూరు పార్లమెంట్ సభ్యుడు గల్లా జయదేవ్. గత ఎన్నికల్లో గల్లా జయదేవ్ తెలుగుదేశం పార్టీ తరుపున గుంటూరు నుండి పోటీ చేసిన విషయం తెలిసిందే. గల్లా జయదేవ్ కుటుంబం మొదటి నుండి కాంగ్రెస్ పార్టీలో ఉంది , దానికి తోడు కృష్ణ కుటుంబం కూడా కాంగ్రెస్ పార్టీ లొనే ఉంది అలాంటిది గత ఎన్నికల ముందు గల్లా జయదేవ్ తన తల్లి తో సహా కాంగ్రెస్ ని వీడి తెలుగుదేశం పార్టీలో చేరారు.   ఎన్నికల సమయంలో గల్లా జయదేవ్ తరుపున ప్రచారం చేయడానికి మహేష్ బాబు వస్తున్నాడు అని ప్రచారం జరిగింది అయితే మహేష్ మాత్రం బావ తరుపున ప్రచారం చేయలేదు. అయితే ఇన్నాళ్లకు మహేష్ బావ గల్లా జయదేవ్ ఈ విషయం పై స్పందించాడు. ఒకవేళ అప్పట్లో మహేష్ ప్రచారానికి వచ్చి ఉంటే ఖచ్చితంగా అది మహేష్ గెలుపు అయ్యుండేది కానీ అతడు రాకపోవడంతో నా సామర్ధ్యం ఏంటో తెలిసొచ్చింది. మహేష్ కు రాజకీయాల గురించి ఏమి తెలియదని ఏదైనా చెప్పాలంటే నేను మాత్రమే చెబుతానని అంతకుమించి అతడికి రాజకీయాల పట్ల అవగాహన లేదని అంటున్నాడు గల్లా జయదేవ్. అయితే ప్రస్తుతం గుంటూరు పార్లమెంట్ పరిధిలో గల్లా జయదేవ్ కు అనుకూలంగా పరిస్థితులు లేవు. మరి వచ్చే ఎన్నికల్లో ఎలా ఉంటుందో మహేష్ బావ పరిస్థితి .

ఎన్టీఆర్ చరణ్ ల సినిమాకు టైటిల్ ఇదేనట

ఓటమి ఎరుగని దర్శక ధీరుడు ఎస్ ఎస్ రాజమౌళి దర్శకత్వంలో ఎన్టీఆర్ , రాంచరణ్ లు నటించనున్న విషయం తెలిసిందే. ఈ ఏడాది ప్రారంభం కానున్న ఈ చిత్రం కోసం అప్పుడే టైటిల్ అన్వేషణ లో ఉన్నట్లు తెలుస్తోంది. ప్రస్తుతం అందుతున్న సమాచారం ప్రకారం ఈ సినిమాకు పెడుతున్న టైటిల్ ఏంటో తెలుసా............... ఇద్దరూ ఇద్దరే . ఈ టైటిల్ తో ఇంతకుముందు రెండు సినిమాలు వచ్చాయి. కృష్ణ - శోభన్ బాబు ల కాంబినేషన్లో ఒకసారి , అక్కినేని నాగేశ్వర రావు- నాగార్జున ల కాంబినేషన్లో మరోసారి . అయితే నాగేశ్వరరావు- నాగార్జున ల కాంబినేషన్ లో వచ్చిన ఇద్దరూ ఇద్దరే డిజాస్టర్ కాగా కృష్ణ - శోభన్ బాబు ల ఇద్దరూ ఇద్దరే హిట్ అయ్యింది.   ఇద్దరు కూడా స్టార్ హీరోలు కాబట్టి ఆపై తెలుగు ప్రేక్షకులను అలరించాలంటే వాళ్ళ అభిరుచి మేరకు టైటిల్స్ ఉండాలి కాబట్టి ఇక్కడ వ్యక్తి ఆరాధన ఎక్కువ కాబట్టి ఈ టైటిల్ పట్ల మొగ్గు చూపుతున్నారట రాజమౌళి. పైగా ఈ చిత్రంలో ఎన్టీఆర్ , చరణ్ లు ఇద్దరు కూడా పోలీస్ అధికారులు గా నటించనున్నట్లు చెబుతున్నారు. మొత్తానికి ఈ ముగ్గురి కాంబినేషన్లో వస్తున్న ఈ చిత్రం ప్రభంజనం సృష్టించడం ఖాయం.

దిల్ రాజు ని నట్టేట ముంచిన పవన్ , మహేష్

అగ్ర నిర్మాత దిల్ రాజు ని నట్టేట ముంచారు అగ్ర హీరోలు పవర్ స్టార్ పవన్ కళ్యాణ్ , సూపర్ స్టార్ మహేష్ బాబు లు. దిల్ రాజు ని పవన్ కళ్యాణ్ , మహేష్ బాబు లు ముంచడం ఏంటి ? అని అనుకుంటున్నారా ? మహేష్ బాబు నటించిన స్పైడర్ చిత్రాన్ని నైజాం ఏరియాలో రిలీజ్ చేసాడు దిల్ రాజు. ఆ సినిమాకు పోటీ ఎక్కువగా ఉండటంతో 22 కోట్ల కు నైజాం హక్కులను సొంతం చేసుకున్నాడు అయితే గత ఏడాది విడుదలైన ఆ చిత్రం ఎంతటి ఘోర పరాజయం పొందిందో అందరికి తెలిసిందే.   కట్ చేస్తే ఇప్పుడు పవన్ కళ్యాణ్ నటించిన అజ్ఞాత వాసి చిత్రం డిజాస్టర్ గా నిలిచింది. ఈ సినిమాని ఏకంగా 29 కోట్ల కు కొన్నాడు దిల్ రాజు. తీరా ఈ సినిమా పది , పన్నెండు కోట్ల షేర్ రాబట్టడమే గగణమైపోతోంది. దాంతో పవన్ కళ్యాణ్ , మహేష్ బాబు ల వల్ల ఏకంగా 30 కోట్ల నష్టాన్ని అందుకున్నాడు దిల్ రాజు. గత ఏడాది వరుసగా ఆరు విజయాలు అందుకున్నాను అంటూ సంబరపడిన ఈ నిర్మాతకు ఈ ఏడాది ప్రారంభంలోనే చుక్కలు కనిపిస్తున్నాయి.
FOLLOW
 TOLLYWOOD
టాప్
 స్టోరీస్
Read More..