Home Topstories
TOLLYWOOD
 TOP STORIES

పూరి భార్యా పిల్లలు ఏడుస్తున్నారట

దర్శకులు పూరి జగన్నాధ్ పై డ్రగ్స్ ఆరోపణలు వచ్చిన నేపథ్యంలో నాపై రకరకాల కథనాలు మీడియాలో ప్రసారం చేయడం వల్ల నాలుగు రోజులుగా నా భార్యా పిల్లలు , నా తల్లి ఏడుస్తున్నారని ....... మా జీవితాలను నాశనం చేసారని ఆవేదన చెందాడు పూరి జగన్నాధ్ .  నిన్న సిట్ అధికారులు పూరి జగన్నాధ్ ని 11 గంటల పాటు విచారించారు దాంతో తీవ్ర అసహనానికి గురయ్యాడు పూరి.రాత్రి పది గంటల తర్వాత ఇంటికి చేరుకున్న పూరి జగన్నాధ్ నేనెలాంటి తప్పు చేయలేదని , కెల్విన్ తో నాకు పరిచయం లేదని స్పష్టం చేసాడు . అంతేకాదు సిట్ అధికారులకు పూర్తిగా సహకరించానని , మళ్ళీ పిలిచినా వెళతానని అంటూనే మీడియాపై విరుచుకుపడ్డాడు . మీడియా పై ఇష్టంతోనే ఇజం అనే సినిమా తీసానని కానీ నన్ను మానసికంగా ఇబ్బంది పెట్టింది మీడియా అంటూ ఓ వీడియో ని పోస్ట్ చేసాడు పూరి జగన్నాధ్.

అబద్దం చెబుతున్న నాని హీరోయిన్

నాని తో జెంటిల్ మన్ చిత్రంలో నటించి తెలుగు ప్రేక్షకులను అలరించిన నివేదాథామస్ తాజాగా మరోసారి నాని సరసన నిన్ను కోరి చిత్రంలో నటించి మరో సక్సెస్ అందుకుంది . అయితే జెంటిల్ మన్ చిత్రంలో నటించిన సమయంలో నాని నా ఫేవరెట్ హీరో అంటూ చెప్పుకొచ్చింది పైగా కథ కంటే నాని కోసమే ఆ సినిమా చేసానని చెప్పింది కూడా . కట్ చేస్తే ఇప్పుడు యంగ్ టైగర్ ఎన్టీఆర్ తో జై లవకుశ చిత్రం చేస్తోంది .     ఇక ఇప్పుడేమో నేను ఎన్టీఆర్ కు పెద్ద ఫ్యాన్ ని , పైగా ఈ చిత్రంలో నా పాత్ర పూర్తిగా విభిన్నమైనది సంతోషంగా చెబుతోంది నివేదా థామస్ . అంతకుముందు నాని కి పెద్ద ఫ్యాన్ ని అని అన్న నివేదా ఇప్పుడేమో జై లవకుశ చిత్రంలో నటిస్తూ ఎన్టీఆర్ కు పెద్ద ఫ్యాన్ ని అంటూ అబద్దం చెబుతోంది నాని హీరోయిన్ . ఎక్కడి పాట అక్కడ పాడటం హీరోయిన్ లకు బాగానే అలవాటు అయ్యింది .

డైరెక్టర్ గా మారుతున్న మరో రచయిత

పలు సూపర్ హిట్ చిత్రాలకు సంభాషణలు అందించిన రచయిత శ్రీధర్ సీపాన దర్శకుడిగా మారబోతున్నారు. నూతన నటీనటులతో ఆయన తన తొలి సినిమాను రూపొందించనున్నారు. ఈ చిత్రానికి బృందావనమది అందరిది అనే టైటిల్ ను ఖరారు చేశారు. పూలరంగడు, లౌక్యం, అహనా పెళ్లంట, భీమవరం బుల్లోడు, సర్దార్ గబ్బర్ సింగ్, పవర్, పోటుగాడు, డిక్టేటర్ వంటి చిత్రాలతో రచయితగా తన ప్రతిభను చాటుకున్నారు శ్రీధర్ సీపాన. తన మాటలతో ప్రేక్షకుల్ని బాగా నవ్వించడం ఈ రచయిత ప్రత్యేకత. త్రివిక్రమ్ లా ఓ సన్నివేశంలో కొత్త తరహా హాస్యాన్ని తీసుకొస్తారనే పేరు ఈ రచయితకు ఉంది. ఇక ప్రస్తుతం శ్రీధర్ సీపాన బృందావనమది అందరిదీ చిత్రంతో దర్శకుడిగా మారుతున్నారు. ఈ విషయాన్ని గురించి శ్రీధర్ సీపాన మాట్లాడుతూ...దర్శకుడిగా మారడం సంతోషంగా ఉంది.   రచయితగా నన్నెంతో ఆదరించారు. ఆ ఆదరణ, గుర్తింపు ఇచ్చిన ధైర్యంతోనే దర్శకుడిని అవుతున్నాను. తొలి చిత్రంగా బృందావనమది అందరిదీ అనే సినిమాను చేస్తున్నాను. ఇది పూర్తి వినోదాత్మకంగా ఉంటూ మనలోని బంధాలను గుర్తు చేసే కథ. ఫైట్లు, పాటలు ఉండే సాధారణ చిత్రంలా ఉండదు. నాకు రచయిత జంధ్యాల గారంటే అభిమానం. ఆయన అహనా పెళ్లంట సినిమాలా...కుటుంబమంతా హాయిగా నవ్వుకునే సినిమా చేయాలనుకుంటున్నాను. అందుకే కమర్షియల్ కథలు ఉన్నా...అవన్నీ పక్కనబెట్టి ఈ కథను ఎంచుకున్నాను. తొలి సినిమా కాబట్టి...హాస్యం, భావోద్వేగాలు కలిసిన కథ అయితే బాగుంటుందని భావించాను. ఈ చిత్రం ద్వారా నాకొక మార్క్ తెచ్చుకోవాలని ఆశిస్తున్నాను. ఈ నెల 29న నా పుట్టిన రోజు. ఈ సందర్భంగా మరిన్ని వివరాలు తెలియనున్నాయి.

`వైశాఖం` అంటున్న కింగ్ నాగార్జున

ఆర్‌.జె. సినిమాస్‌ బేనర్‌పై డైనమిక్‌ లేడీ డైరెక్టర్‌ జయ బి. దర్శకత్వంలో బి.ఎ.రాజు నిర్మిస్తున్న లవ్‌ అండ్‌ ఫ్యామిలీ ఎంటర్‌టైనర్‌ 'వైశాఖం`. ఈ సినిమా జూలై 21న విడుద‌ల‌వుతుంది. సినిమాలో డిజె వ‌సంత్ అందించిన పాట‌ల‌కు ఆడియెన్స్ నుండి హ్యుజ్ రెస్పాన్స్ వ‌చ్చింది. ఈ సంద‌ర్భంగా `వైశాఖం` సినిమా ట్రిపుల్ ప్లాటిన‌మ్ డిస్క్ వేడుక గ్రాండ్‌గా జ‌రిగింది. ఈ కార్య‌క్ర‌మానికి కింగ్ నాగార్జున నాగార్జున ముఖ్య అతిథిగా హాజ‌ర‌య్యారు. ఈ సంద‌ర్భంగా...   కింగ్ నాగార్జున మాట్లాడుతూ - ''తెలుగు సినిమా రంగంలోకి నేను ఎంట్రీ ఇచ్చి 31 సంవత్సరాలు అవుతున్నాయి. ఇన్నేళ్ల జర్నీలో రాజుగారు, జయగారు నాకు ముందు నుండి తెలుసు. మంచి ఫ్రెండ్స్‌ కూడా అయ్యారు. నా సినిమాలకు సంబంధించిన ప్రమోషన్స్‌ విషయంలో కూడా వారెంతో హెల్ప్‌ చేశారు. మనకున్న కొద్ది మంది లేడీ డైరెక్టర్స్‌లో జయగారు ఒకరు. ఆమె డైరెక్షన్‌లో వచ్చిన సినిమాలన్నీ ప్రేక్షకాదరణను పొందినవే. ఆమె గత చిత్రాలన్నింటికంటే 'వైశాఖం' పెద్ద హిట్‌ కావాలని కోరుకుంటున్నాను. రాజుగారి ప్రెస్‌మీట్‌ పెడితే దానికి ఎంత మంది మీడియా వాళ్లు సపోర్ట్‌ చేస్తారనేది ఈ సినిమా చూస్తే తెలుస్తుంది. ఇండస్ట్రీకి కావాల్సిన వ్యక్తి. ఆయన నిర్మాణంలో వచ్చిన ఈ సినిమా పెద్ద హిట్‌ కావాలని కోరుకుంటున్నాను. ఈ సినిమా రాజుగారికి, జ‌య‌గారికి మంచి పేరు తెస్తుంది.  హీరో హరీష్‌, హీరోయిన్‌ అవంతికలకు నా అభినందనలు. టీం అంతటికి ఆల్‌ ది బెస్ట్‌. మీడియం బడ్జెట్‌ సినిమాలు, చిన్న సినిమాలు, కొత్త కాన్సెప్ట్‌ మూవీస్‌ అన్ని సక్సెస్‌ అవుతున్న ఈరోజుల్లో కొత్త కాన్సెప్ట్‌తో వస్తున్న జూలై 21న విడుదలవుతున్న ఈ సినిమా పెద్ద హిట్‌ కావాలని మనస్ఫూర్తిగా కోరుకుంటున్నాను.'' అన్నారు.    డైరెక్టర్‌ జయ.బి మాట్లాడుతూ - ''నాగార్జునగారు ఎప్పుడూ మాకు తమ సహకారాన్ని అందిస్తూనే ఉన్నారు. ఆయన మాకు అందిస్తున్న సపోర్ట్‌ను మాటల్లో చెబితే సరిపోదు. నాగార్జునగారు మా కుటుంబంలోని ఓ వ్యక్తి. ఆయనకు మా టీం తరపున ప్రత్యేకమైన కృతజ్ఞతలు'' అన్నారు.    నిర్మాత బి.ఎ.రాజు మాట్లాడుతూ - ''సినిమా జూలై 21న విడుదలవుతుంది. మా సినిమాకు నాగార్జునగారు వచ్చి యూనిట్‌ను అభినందించడం ఎంతో ఆనందంగా ఉంది. ఆయన అడగ్గానే ఒప్పుకుని ఇంత దూరం వచ్చారు. అక్కినేని నాగేశ్వరరావుగారు, నాగార్జునగారు, చైతన్యగారు ఇలా అక్కినేని ఫ్యామిలీ అంతా మాకు ఎంతో అండగా నిలబడ్డారు. వారికి హృదయ పూర్వకమైన కృతజ్ఞతలు'' అన్నారు.    సినిమాటోగ్రాఫర్‌ వాలిశెట్లి వెంకట సుబ్బారావు మాట్లాడుతూ - ''జయగారు, రాజుగారు జూలై 21న సినిమాను విడుదల చేయడానికి అన్నింటినీ సిద్ధం చేశారు. రాజుగారి ఆనందం చూస్తే సినిమా ఎంత బావుందనేది అర్థం అవుతుంది. వెళ్లిపోయిన వైశాఖం నెలను మళ్లీ వెనక్కితెప్పిస్తున్నారు. సినిమా తప్పకుండా బ్లాక్‌బస్టర్‌ అవుతుంది'' అన్నారు.    మ్యూజిక్‌ డైరెక్టర్‌ మాట్లాడుతూ - ''ఆడియో పెద్ద సక్సెస్‌ అవుతుందని ముందు నుండి బాగా నమ్మకంగా ఉన్నాం. మంచి సినిమాలో నన్ను కూడా భాగం చేసిన జయగారికి, రాజుగారికి థాంక్స్‌. 21 జూలై విడుదలవుతున్న ఈ సినిమా పెద్ద సక్సెస్‌ అవుతుంది'' అన్నారు.    ఈ కార్యక్రమంలో పాల్గొన్న చిత్రయూనిట్‌కు నాగార్జున ట్రిపుల్‌ప్లాటినమ్‌ డిస్క్‌లను అందజేశారు. 

ఈ నెల 28న`నాకు నేనే తోపు తురుమ్

ధృవ క్రియేషన్స్ పతాకంపై అశోక్ కుమార్, మానస జంటగా నటిస్తున్న చిత్రం 'నాకు నేనే తోపు తురు  '. దర్శకుడు జి. శివమణి ఈ చిత్రాన్ని తెరకెక్కించారు. నేటి రాజకీయాల నేపథ్యంతో...పూర్తి వినోదాత్మక ప్రేమ కథగా ఈ సినిమా రూపొందించారు. యాక్షన్, రొమాన్స్ లాంటి కమర్షియల్ అంశాలు కథలో ఇమిడి ఉంటాయి. అన్ని కార్యక్రమాలు పూర్తి చేసుకున్న నాకు నేనే తోపు తురుము విడుదలకు సిద్దమయ్యింది. వివరాలు నిర్మాత ధృవ కుమార్ తెలుపుతూ....''మనం పూజించే దేవుళ్లు ఎందరున్నా అన్నం పెట్టే రైతు, దేశాన్ని రక్షించే సైనికులే కనిపించే దేవుళ్లు అనేది కథలో ప్రధానాంశం. ప్రజలు మారితేనే రాజకీయ పరిస్థితులు మారతాయి అనే సందేశాన్ని చిత్రంలో చెబుతున్నాం.     పేదరికంలో పుట్టిన ఓ యువకుడు చిరు వ్యాపారిగా జీవితాన్ని మొదలుపెడతాడు. అతను రాజకీయాల్లోకి అరంగేట్రం చేసి ముఖ్యమంత్రిగా ఎదిగి తర్వాత ప్రధాని స్థాయికి చేరుతాడు. ప్రధాని హోదాలో అతను తీసుకున్న సంచలన నిర్ణయాలు సమాజంలో, ప్రజా జీవితంలో అత్యున్నత మార్పులు తీసుకొస్తాయి. ఈ యువ ప్రధాని తీసుకున్న వినూత్న చర్యలు ఏంటన్నది సినిమాలో చూడాలి. రాజకీయ అంశాలను, కథలోని సందేశాన్ని ఎక్కడా విసుగు లేకుండా వినోదాత్మకంగా చూపిస్తున్నాం. గోవా, హైదరాబాద్, విశాఖపట్నం లోని వివిధ అందమైన లొకేషన్లలో చిత్రాన్ని తెరకెక్కించాం. ప్రస్తుతం అన్ని కార్యక్రమాలు పూర్తి అయ్యాయి.  ఈ నెల 28న నాకు నేనే తోపు తురుము చిత్రాన్ని ప్రేక్షకుల ముందుకు తీసుకొస్తాం.'' అన్నారు. సుమన్ శెట్టి, చలపతిరావు, సూర్య , జబర్దస్త్ అప్పారావు తదితరులు ముఖ్య పాత్రల్లో నటిస్తున్న ఈ చిత్రానికి సంగీతం ప్రేమ్ ఎల్ఎం, ఎడిటర్ నందమూరి హరి, సినిమాటోగ్రఫీ విజయ్ దగ్గుబాటి, నిర్మాత ధృవ కుమార్, దర్శకత్వం జి.శివమణి 

బూతులు తిడుతున్న హీరో కూతురు

హీరోయిన్ గా పరిచయం కాబోతున్న హీరో కూతురు ఓ సెలూన్ షాప్ కెళ్ళి బండబూతులు తిట్టేసింది . వేసిందే జస్ట్ నిక్కర్ , పిక్కల బలం చూపిస్తూ సెలూన్ లోకి వెళ్లి వచ్చిన ఈ భామ బయటకు వచ్చాక బిల్లు చెల్లించడానికి కార్డు ఇచ్చింది అయితే స్వైప్ ప్రాబ్లెమ్ రావడం తో సదరు సెలూన్ నిర్వాహకులు ఆమెకు సర్ది చెబుతుండగానే సహనం నశించి బండబూతులు తిట్టడం మొదలు పెట్టింది సైఫ్ అలీఖాన్ కూతురు సారా అలీఖాన్ .     ఈ భామని హీరోయిన్ గా పరిచయం చేయడానికి పలువురు దర్శక నిర్మాతలు పోటీ పడుతున్నారు . అయితే హీరోయిన్ గా రాకముందే తన విశ్వరూపం ఏంటో చూపించింది సారా అలీఖాన్ . షార్ట్ లో వచ్చిన ఈ భామ కుర్రాళ్ల ని పిచ్చెక్కించేలా చేసింది అయితే అదే సమయంలో బండబూతులు తిట్టడంతో అందరూ షాక్ అయ్యారు .

బట్టలన్నీ విప్పేసి లొల్లి చేసిన మోడల్

ఫుల్లుగా మద్యం తాగింది ఇంకేముంది కన్ను మిన్ను కానకుండా హోటల్ లో లొల్లి లొల్లి చేసింది , అసలే ఒంటి మీద కనీసం లో దుస్తులు కూడా లేవు దాంతో రచ్చ రచ్చ అయ్యింది . పోలీసులు వచ్చి కనీసం అక్కడ టవల్ అయినా కట్టుకో అని నచ్చచెప్పినప్పటికీ వినకుండా వాళ్లపైనే దాడికి పాల్పడింది మోడల్ బ్రిస్సా . ఈ సంచలన సంఘటన ఫ్లోరిడా లో జరిగింది . మోడల్ బ్రిస్సా సోషల్ మీడియాలో నిత్యం హాట్ ఫోటోలతో కుర్రాళ్లకు కిక్ ఇవ్వడానికి రకరకాల భంగిమల్లో ఉన్న ఫోటోలను పోస్ట్ చేస్తున్న విషయం తెలిసిందే .     అయితే ఫ్లోరిడా హోటల్ లో ఫుల్లుగా మద్యం తాగేసిన ఈ భామ కిక్ నషాళానికి ఎక్కడంతో ఒంటి మీద ఉన్న బట్టలన్నీ విప్పేసింది . లోదుస్తులు కూడా ఉంచుకోకుండా గొడవ గొడవ చేయడంతో భయపడిపోయింది హోటల్ యాజమాన్యం దాంతో పోలీసులకు ఫిర్యాదు చేసారు . ఇక పోలీసులు వచ్చి కనీసం టవల్ అయినా ఒంటి మీద వేసుకో అంటే వినదే ! 

మందు తాగమంటున్న అల్లు అర్జున్

మందు తాగండి కానీ డ్రైవ్ చేయకండి అంటూ సభ్య సమాజానికి మెస్సేజ్ ఇస్తున్నాడు అల్లు అర్జున్ . రోడ్డు ప్రమాదాల నివారణ కోసం ట్రాఫిక్ పోలీసులతో కలిసి హైదరాబాద్ నగర పోలీస్ కమీషనర్ మహేందర్ రెడ్డి నిర్వహించిన కార్యక్రమంలో దర్శకులు రాజమౌళి తో పాటు అల్లు అర్జున్ కూడా పాల్గొన్నాడు . హైదరాబాద్ నగర రోడ్లు హై స్పీడ్ కి అనుకూలంగా లేవు కాబట్టి అత్యంత వేగం ప్రమాదకరమని , పైగా మన అతివేగం ఇతరుల ప్రాణాలను తీయడానికి కారణం కాకూడదని సభ్య సమాజానికి సందేశాన్ని ఇస్తున్నాడు అల్లు అర్జున్ .     ఇక దర్శకులు రాజమౌళి కూడా మాట్లాడుతూ '' యువత వేగంగా పనిచేయాలి కానీ డ్రైవింగ్ లో మాత్రం కాదు , మన రోడ్లు కూడా అనుకూలంగా లేవు కాబట్టి సేఫ్ డ్రైవ్ బెస్ట్ అన్నాడు . పోలీస్ శాఖ చెప్పినా , ఎవరెన్ని చెప్పినా యూత్ మాత్రం మా జోరు మాదే ...... మీరేంటి చెప్పేది అంటూ చేసే పని చేస్తూనే ఉన్నారు . 

నిఖిల్ అందుకు ఒప్పుకుంటాడా

యంగ్ హీరో నిఖిల్ వరుస విజయాలు సాధిస్తూ ఒక్కో మెట్టు ఎక్కుతూ తన ఇమేజ్ ని మరింతగా పెంచుకుంటున్నాడు . ఒకప్పుడు వరుస ప్లాప్ లను ఎదుర్కొన్న నిఖిల్ ఇప్పుడు మినిమమ్ గ్యారెంటీ హీరో అని అనిపించుకుంటున్నాడు . తాజాగా కన్నడంలో హిట్ అయిన కిర్రాక్ పార్టీ అనే చిత్రాన్ని తెలుగులో రీమేక్ చేస్తున్నాడు . అయితే నిఖిల్ కు మంచి మార్కెట్ ఉండటంతో 14 రీల్స్ అధినేత అనిల్ సుంకర వరుసగా నిఖిల్ తోనే మూడు సినిమాలు చేయాలనీ ప్లాన్ చేస్తున్నాడట .     నిఖిల్ డిమాండ్ ఉన్న హీరో దాంతో అతడితో సినిమాలు చేయాలనీ పలువురు నిర్మాతలు క్యూ కడుతున్నారు ఇలాంటి సమయంలో ఒకే నిర్మాతకు వరుసగా మూడు సినిమాలు చేసేలా డేట్స్ ఇస్తాడా అన్నది మిలియన్ డాలర్ల ప్రశ్న .

యాక్షన్ థ్రిల్లర్ నేపథ్యంలో 'అక్రమ్'

నూతన నిర్మాణ సంస్థ రాజధాని అమరావతి మూవీస్ పతాకం పై మయ్.వి.యర్, విశ్వకోటి మార్కండేయులు సమర్పణలో శివకుమార్ నిర్మాతగా తెరకెక్కుతున్న సినిమా 'అక్రమ్'. ఈ సినిమాతో తమిళ దర్శకుడు, సినిమాటోగ్రాఫర్ టి. అనిల్ కుమార్ తెలుగు చిత్రసీమకు అడుగుపెడుతున్నారు. అలానే మేడిది సురేశ్ ఈ సినిమాతో కథనాయకునిగా టాలీవుడ్ కి పరిచయం అవుతున్నారు.    క్రైమ్ యాక్షన్ థిల్లర్ నేపథ్యంలో ఈ చిత్రాన్ని తెరకెక్కించినట్లుగా దర్శకుడు అనిల్ చెప్పారు. దాంతో పాటు ఈ సినిమాలో హీరో త్రిపాత్రాభినయం చేయబోతున్నట్లుగా చిత్ర బృందం ప్రకటించింది. అక్రమ్, రానా అక్రమ్, రాక్ అనే మూడు విభన్న పాత్రల్లో సురేశ్ నటిస్తున్నట్లు యూనిట్ సభ్యలు తెలిపారు. ఇప్పటికే పది శాతానికి పైగా షూటింగ్ పూర్తి అయిందని, వైజాగ్, గోవా, హైదరాబాద్, విజయవాడ పరిసర ప్రాంతాల్లో అత్యాధునిక టెక్నాలజీతో ఈ చిత్రాన్ని చిత్రీకరించేందుకు సన్నాహలు చేస్తున్నట్లుగా నిర్మాత శివకుమార్ తెలిపారు. భారీ బడ్జెట్ తో ఎంతో ప్రతిష్ఠాత్మకంగా నిర్మించబోతున్న ఈ సినిమాకి కథ : సురేశ్, ఛాయగ్రహణం, దర్శకత్వం : టి. అనిల్ కుమార్, సంగీతం : వశీశ్ రాజ్, నిర్మాత : శివకుమారి.
FOLLOW
 TOLLYWOOD
టాప్
 స్టోరీస్
Read More..