ట్రైల‌ర్ టాక్‌: ఓ సామాన్యుని అసామాన్య‌మైన జ‌ర్నీ!


Aakashame neehaddura teaser talk
Aakashame neehaddura teaser talk

సూర్య క‌థానాయ‌కుడిగా న‌టిస్తున్న తాజా చిత్రం `ఆకాశ‌మే నీ హ‌ద్దురా!`. `గురు` ఫేమ్ సుధా కొంగ‌ర ఈ చిత్రాన్ని రూపొందిస్తున్నారు. త‌మిళంలో `సూరారైపోట్రు` అనే పేరుతో నిర్మిస్తున్నారు. గునీత్ మోంగాతో క‌లిసి హీరో సూర్య ఈ చిత్రాన్ని నిర్మిస్తున్నారు.  ఏయిర్ డెక్క‌న్ ఫౌండ‌ర్ జి.ఆర్‌. గోపీనాథ్ జీవితంలో జ‌రిగిన సంఘ‌ట‌న‌ల నేప‌థ్యంలో ఈ సినిమాని తెర‌కెక్కిస్తున్నారు. ఓ సామాన్యుని అసామాన్య‌మైన జ‌ర్నీ నేప‌థ్యంలో ఈ చిత్రం రూపొందుతున్న ఈ చిత్ర టీజ‌ర్ విడుద‌లైంది.

మంగ‌ళ‌వారం సాయంత్రం 5 గంట‌ల‌కు ఈ చిత్ర టీజ‌ర్‌ని హీరో వెంక‌టేష్‌, ప్ర‌భాస్‌, స‌మంత‌, నందు రెడ్డి, `అర్జున్‌రెడ్డి` ద‌ర్శ‌కుడు సందీప్ వంగ సోష‌ల్ మీడియా ట్విట్ట‌ర్ ద్వారా రిలీజ్ రిలీజ్ చేశారు. `జేబులో ఆరు వేలు పెట్టుకుని ఏరోప్లేన్ కంపెనీ పెడ‌తాన‌ని ఒక‌డొస్తే.. ఎవ‌డ్రీ ఈ వీపీ గాడ‌ని ఈ లోకం వాణ్ణి చూసి న‌వ్వింది. అంటూ టీజ‌ర్ క‌లెక్ష‌న్‌కింగ్ మోహ‌న్‌బాబు డైలాగ్‌ల‌తో మొద‌లై ఆద్యంతం ఆస‌క్తిరంగా సాగింది. టీజ‌ర్‌లో సూర్య పాత్ర ఎదుర్కొన్న ఆటు పోట్ల‌ని బాగా క్యాప్చ‌ర్ చేశారు. సినిమాలో సూర్య గెట‌ప్ గ‌త చిత్రాల‌కు పూర్తి భిన్నంగా క‌నిపిస్తున్నారు.

ఓ సామాన్యుని అసామాన్య‌మైన క‌ల అంటూ టీజ‌ర్ ప్రారంభంలోనే చిత్ర బృందం వేయ‌డంతో ఇదొక బ‌యోపిక్ అని అర్థ‌మ‌వుతోంది. అప‌ర్ణ బాల‌ముర‌ళి, క‌రుణాస్‌, జాకీష్రాఫ్‌, మోహ‌న్‌బాబు, ప‌రేష్‌రావెల్ కీల‌క పాత్ర‌ల్లో న‌టిస్తున్నారు. జి.వి.ప్ర‌కాష్‌కుమార్ సంగీతం, నికేత్ బొమ్మిరెడ్డి ఛాయాగ్ర‌హ‌ణం అందిస్తున్నారు. మే 1న ప్రేక్ష‌కుల ముందుకు రానుంది.