సైరా టీమ్ కు అల్లు వారి పార్టీ


Allu Arjun throws party for Syeraa team
Allu Arjun throws party for Syeraa team

మెగాస్టార్ చిరంజీవి తన కెరీర్ లోనే అత్యంత ప్రతిష్టాత్మకమైన చిత్రంగా సైరా గురించి చెప్పుకుంటూ వస్తున్నారు. ఇది తన 12 ఏళ్ల కల. మొత్తానికి మెగాస్టార్ తనయుడు మెగా పవర్ స్టార్ రామ్ చరణ్ పూనుకోవడంతో సైరా నరసింహారెడ్డి కల నెరవేరింది. ఈ సినిమా అక్టోబర్ 2న విడుదలై మంచి టాక్ తో దూసుకెళుతోంది.

ఈ సినిమా షూటింగ్ సమయంలోనూ, విడుదల ముందూ కూడా బోలెడన్ని సమస్యలు ఎదురయ్యాయి. సినిమా విడుదల కాకుండా అడ్డుకుంటామన్న వాళ్ళు ఉన్నారు. ఏదేమైనా అన్ని కష్టాలనూ దాటుకుని సైరా మొత్తానికి విడుదలై సంచలన విజయం దిశగా దూసుకెళుతోంది. అందుకే ఈ ఆనందాన్ని మెగా ఫ్యామిలీ మొత్తం ఆస్వాదిస్తోంది.

సైరా నరసింహారెడ్డి చిత్రాన్ని నిన్న తిలకించిన అల్లు అరవింద్, అల్లు అర్జున్.. సైరా టీమ్ కు గురువారం రాత్రి అల్లు అరవింద్ ఇంట్లో పార్టీ ఇచ్చారు. ఈ పార్టీకి మెగా హీరోలైన చిరంజీవి, రామ్ చరణ్, అల్లు అర్జున్, సాయి ధరమ్ తేజ్, అక్కినేని అఖిల్, రత్నవేలు, శ్రీకాంత్, సుస్మిత, పరుచూరి బ్రదర్స్, అల్లు శిరీష్, దిల్ రాజు తదితరులు పార్టీలో పాల్గొన్నారు.