అల్లు అర్జున్ రోల్ పై క్లారిటీ లేదేంటి?


అల్లు అర్జున్ రోల్ పై క్లారిటీ లేదేంటి?
అల్లు అర్జున్ రోల్ పై క్లారిటీ లేదేంటి?

స్టైలిష్ స్టార్ అల్లు అర్జున్ కథానాయకుడిగా తెరకెక్కిన లేటెస్ట్ సినిమా అల వైకుంఠపురములో రేపు అంగరంగ వైభవంగా విడుదల కానున్న సంగతి తెల్సిందే. అయితే అంతకంటే ముందే ఈరోజు రాత్రి నుండే యూఎస్ లో ప్రీమియర్ లు పడుతున్నాయి. అంటే ఈరోజు అర్ధరాత్రికి సినిమా సంగతేంటో తెలిసిపోతుంది. పోటీగా సరిలేరు నీకెవ్వరు ఉండడంతో అల వైకుంఠపురములో చిత్రానికి సూపర్ హిట్ టాక్ రావాలి. ఇప్పటికే సరిలేరు నీకెవ్వరు చిత్రానికి ఎబోవ్ యావరేజ్ టాక్ వచ్చింది. మహేష్ ఫ్యాన్స్ కు ఈ సినిమా ఫీస్ట్ అని అంటున్నారు. రివ్యూలు కూడా ఇదే విషయాన్ని స్పష్టం చేస్తున్నాయి. మాములు జనాలకు యావరేజ్ గా అనిపించే సినిమా మహేష్ అభిమానులను అలరిస్తోంది. దీంతో అల వైకుంఠపురములో టాక్ మరింత బాగుంటే తప్పితే పోటీని తట్టుకుని నిలవడం కష్టమే.

ఇదిలా ఉంటే అల్లు అర్జున్ తర్వాతి సినిమా గురించి కూడా న్యూస్ లు వస్తున్నాయి. అల్లు అర్జున్ తన తర్వాతి చిత్రాన్ని సుకుమార్ దర్శకత్వంలో చేయబోతున్న సంగతి తెల్సిందే. ఈ సినిమా షూటింగ్ ఫిబ్రవరి నుండి మొదలుకానుంది. సరిలేరు నీకెవ్వరులో నటించిన రష్మికనే అల్లు అర్జున్ సినిమాలో కూడా నటించనుంది. ఎర్ర చందనం నేపథ్యంలో సాగే చిత్తూర్ నేటివిటీ ఉన్న డ్రామాగా ఈ సినిమా గురించి చెబుతున్నారు.

అయితే ఈ సినిమాలో అల్లు అర్జున్ పాత్ర ఏంటనే దానిపై ఇంకా క్లారిటీ లేదు. ఈ విషయంలో కొంత కన్ఫ్యూజన్ కూడా నడుస్తోంది. అల్లు అర్జున్ ఎర్ర చందనం తరలించే లారీ డ్రైవర్ గా నటించనున్నాడని ప్రచారం జరుగుతోంది. అదే క్రమంలో ఎర్ర చందనం స్మగ్లర్ గా కూడా కనిపిస్తాడని అంటున్నారు. ఇందులో ఏదో తెలియాలంటే మరికొంత రోజులు ఆగాల్సిందే. ఇక ఈ సినిమాలో బన్నీ లుక్ చాలా రస్టిక్ గా ఉండనుందని తెలుస్తోంది. అల వైకుంఠపురములో కు ఒక రకమైన లుక్ లో కనిపించిన బన్నీ, సుకుమార్ సినిమాకు పూర్తిగా తన హెయిర్ స్టైల్ ను మారుస్తున్నాడు.