రాహుల్ చీప్ అంటూ వీడియో హల్చల్.. ఇక విన్నర్ అవ్వడం కష్టమేనా?


రాహుల్ చీప్ అంటూ వీడియో హల్చల్.. ఇక విన్నర్ అవ్వడం కష్టమేనా?
రాహుల్ చీప్ అంటూ వీడియో హల్చల్.. ఇక విన్నర్ అవ్వడం కష్టమేనా?

బిగ్ బాస్ 3 తెలుగు ఇక చివరికి వచ్చేసింది. మరో వారం రోజుల్లో విన్నర్ ఎవరనేది స్పష్టమైపోతుంది. ఇప్పటికే బిగ్ బాస్ ఫినాలేను ఎలా నిర్వహించాలన్న దానిపై యాజమాన్యం ఒక స్పష్టతకు వచ్చినట్లు తెలుస్తోంది. ఫినాలే ఎపిసోడ్ కు చిరంజీవిని చీఫ్ గెస్ట్ గా పిలవడం కూడా జరిగింది. ఇక బిగ్ బాస్ పనులు ఇలా ఉంటే, లాస్ట్ వీక్ కు చేరిన కంటెస్టెంట్స్ లో ఉత్కంఠ మొదలైంది. నిన్నటి ఎపిసోడ్ తో శివజ్యోతి ఎలిమినేట్ అయిపోవడంతో ఫైనల్స్ కు రాహుల్, బాబా భాస్కర్, శ్రీముఖి, వరుణ్, అలీ చేరినట్లయింది. ఈ ఐదుగురిలో ఒకరు ఈ వారం చివరికి బిగ్ బాస్ టైటిల్ ను చేజిక్కించుకుంటారు.

ఈ ఐదుగురిలో అందరికంటే ముందు ఫైనల్స్ కు చేరి రాహుల్ మిగతా కంటెస్టెంట్స్ కు పెద్ద షాక్ ఇచ్చాడు. సీజన్ మొదట్లో రాహుల్ సిప్లిగంజ్ చాలా వీక్ గా కనిపించాడు. తొలి రెండు వారాల్లోనే తను చాలా బద్దకస్తుడని పేరు బయటకు వచ్చేసింది. టాస్క్ లు సరిగ్గా చేయడు, మధ్యలోనే గివప్ అంటాడు. పాటలు పాడమంటే మధ్యలోనే మర్చిపోయి నా వల్ల కాదంటాడు. ఎప్పుడూ మౌసంబిలు తినడం తప్పవేరే పని చేయడు, సరిగ్గా మాట్లాడడం అసలే రాదు. నాగార్జున చేతే చాలా సార్లు సరిగ్గా మాట్లాడమని చివాట్లు పెట్టించుకున్నాడు. ఇలా రాహుల్ గురించి మొదట్లో చాలా నెగటివిటీ ఉండేది. అయితే పునర్నవితో నడిపించిన రిలేషన్ షిప్, శ్రీముఖితో పడిన గొడవలు రాహుల్ కు మైలేజిను అందించాయి. గంటసేపు బిగ్ బాస్ ఎపిసోడ్ లో రాహుల్ కు ఫుటేజ్ దొరికేలా చేసాయి. దీంతో రాహుల్ స్ట్రాంగ్ అవుతూ వచ్చాడు. శ్రీముఖి అదే పనిగా రాహుల్ ను టార్గెట్ చేయడంతో సింపతీ ఓట్లు పెరిగాయి.

ఈ విషయం శ్రీముఖి పసిగట్టి అసలు రాహుల్ ను పట్టించుకోవడమే మానేసింది. పూర్తిగా అవాయిడ్ చేసింది. అయినా కానీ రాహుల్ ఫేక్ ఎలిమినేట్ అయి, మళ్ళీ తిరిగి ఎంట్రీ ఇవ్వడం జనాలలో గుర్తింపునిచ్చింది. దీంతో రాహుల్ స్ట్రాంగ్ కంటెస్టెంట్ గా మారాడు. ఇక టికెట్ టు ఫినాలే టాస్క్ లో రాహుల్ కు అదృష్టం కలిసివచ్చింది. టాప్ ప్లేస్ లో కొనసాగుతున్న అలీ, బాబాను ఫిజికల్ గా అటాక్ చేయడంతో టాస్క్ నుండి తప్పించడంతో రాహుల్ టాప్ లోకి వెళ్ళాడు. అలాగే డొమినోస్ టాస్క్ లో గాలి తనవైపు ఎక్కువ రాకపోవడంతో గెలిచి టికెట్ టు ఫినాలే గెలుచుకున్నాడు. అందరినీ వెనక్కి నెట్టి మొదట బిగ్ బాస్ ఫైనల్స్ కు చేరుకున్నాడు. టైటిల్ విన్నర్ ఫెవరెట్ గా నిలిచాడు.

అయితే ఇప్పుడు సోషల్ మీడియాలో ఒక వీడియో హల్చల్ చేస్తోంది. బిగ్ బాస్ 1 సమయంలో దీక్షా పంత్, రాహుల్ తో కలిసి చేసిన మంగమ్మ అనే సాంగ్ ప్లే చేసినప్పుడు ఇదేం సాంగ్ అంటూ కంటెస్టెంట్స్ వ్యాఖ్యానించారు. దానికి ప్రతిగా రాహుల్ చెప్పడానికి వీల్లేని పదాలతో ఆ కంటెస్టెంట్స్ ను దూషించడం జరిగింది. పనిలో పనిగా బిగ్ బాస్ పై కూడా విమర్శలు చేసాడు. ఇప్పుడు ఈ వీడియో రాహుల్ అంటే పడని వాళ్లకు చిక్కింది. రాహుల్ సిప్లిగంజ్ ఎంతటి చీప్ ఫెలోనో చూడండి అంటూ ఆ వీడియోను చూపిస్తున్నారు. అవతలి వారిని బండ బూతులు తిడుతూ అసలు మాట్లాడడ రాని వ్యక్తి బిగ్ బాస్ విన్నర్ ఎలా అవుతాడంటూ ప్రచారం చేస్తున్నారు. మరి ఈ వీడియో వల్ల రాహుల్ కు ఏమైనా మైనస్ అవుతుందేమో చూడాలి.

Credit: Twitter