కలెక్షన్లు రావడం లేదని ఫీల్ అవుతున్నాడు


chilasow director rahul unhappy with collections

సినిమా బాగుందని టాక్ వచ్చింది అలాగే రివ్యు లు కూడా బాగా వచ్చాయి కానీ కలెక్షన్లు మాత్రం అనుకున్న స్థాయిలో రావడం లేదని ఫీల్ అవుతున్నాడు చి ల సౌ దర్శకుడు రాహుల్ రవీంద్రన్ . తెలుగులో పలు చిత్రాల్లో హీరోగా , క్యారెక్టర్ ఆర్టిస్ట్ గా నటించిన రాహుల్ రవీంద్రన్ చిలసౌ చిత్రంతో దర్శకుడిగా మారాడు . సుశాంత్ హీరోగా నటించిన ఈ చిత్రాన్ని నాగార్జున చూసి రాహుల్ ని మెచ్చుకోవడమే కాకుండా తన బ్యానర్ పై విడుదల చేసాడు . నిజంగానే సినిమాకు టాక్ బాగానే వచ్చింది కానీ కలెక్షన్లు మాత్రం ఈ సినిమాతో పాటుగా విడుదలైన గూడచారి చిత్రానికి పోయాయి దాంతో నిరాశ పడుతున్నాడు .

ఎక్కడో తేడా జరిగిందని అందుకే అనుకున్న విజయం దక్కలేదని నిట్టూర్పులు విడుస్తున్నాడు రాహుల్ . మొదటిసారి దర్శకత్వం వహించాడు కాబట్టి రాహుల్ కు అలా అనిపించడం మామూలే ! అయితే హీరో సుశాంత్ బాగానే నటించినప్పటికీ అతడికి మార్కెట్ లేకపోవడం పెద్ద మైనస్ అయ్యింది లేకపోతే ఇది మరో హీరోతో చేసి ఉంటే తప్పకుండా మరోలా ఉండేదని అంటున్నారు . మొత్తానికి రాహుల్ ఆవేదన అంతా ఇంతా కాదు , నటుడిగా కొనసాగుతున్న నేపథ్యంలో మెగా ఫోన్ పట్టి హిట్ కొడితే అదృష్టం కానీ సక్సెస్ కాకపోతే ఇబ్బందేగా !

English Title: chilasow director rahul unhappy with collections