`సీటీమార్‌` ఫ‌స్ట్ లుక్ వ‌చ్చేసింది!


Gopi chand Seetimaar first look is out
Gopi chand Seetimaar first look is out

2015 నుంచి హీరో గోపీచంద్‌కు ఒక్క హిట్టు లేదు. ఇప్ప‌టి వ‌ర‌కు వ‌రుస‌గా ఏడు ఫ్లాపుల్ని సొంతం చేసుకున్నారు. గ‌త కొంత కాలంగా హిట్టు కోసం శ‌త‌విధాలా ప్ర‌య‌త్నాలు చేస్తున్న ఆయన ఈ సారి ఎలాగైనా సూప‌ర్‌హిట్‌ని ద‌క్కించుకోవాల‌నుకుంటున్నారు. అందు కోసం సంప‌త్నందినసంప‌త్ నందిని న‌మ్ముకున్నారు. గోపీచంద్‌, సంప‌త్‌నందిల క‌ల‌యిక‌లో ఓ మాస్ మాసాలా ఎంట‌ర్‌టైన‌ర్ వ‌స్తున్న విష‌యం తెలిసిందే. ఈ చిత్రానికి `సీటీమార్‌` అనే టైటిల్‌ని ఫైన‌ల్ చేసేశారు.

శ్రీ‌నివాస్ చిట్టూరి నిర్మిస్తున్న ఈ చిత్ర ఫ‌స్ట్‌లుక్ టైటిల్ పోస్ట‌ర్‌ని చిత్ర బృందం సోమ‌వారం విడుద‌ల చేసింది. హైద‌రాబాద్‌, రాజ‌మండ్రిలో కీల‌క షెడ్యూల్‌ని పూర్తి చేశారు. ఈ రోజు (సోమ‌వారం) నుంచి ఆర్ఎఫ్‌సీలో తాజా షెడ్యూల్‌ని ప్రారంభించారు. నాన్ స్టాప్‌గా షూటింగ్ చేసి చిత్రాన్ని సమ్మ‌ర్‌లో రిలీజ్ చేయాల‌ని మేక‌ర్స్ ప్లాన్ చేస్తున్నారు.

గోపీచంద్ త‌న గ‌త చిత్రాల‌ని దృష్టిలో పెట్టుకుని ఏ విష‌యంలోనూ రాజీప‌డ‌టం లేదంట‌. ఎలాగైనా ఈ సారి భారీ విజ‌యాన్ని సొంతం చేసుకుని మ‌ళ్లీ ట్రాక్‌లోని రావాల‌ని భావిస్తున్నార‌ట‌. అందుకే ఈ చిత్రాన్ని మేక‌ర్స్ కూడా ఏ విష‌యంలోనూ రాజీప‌డ‌టం లేదు. గోపీచంద్ కెరీర్‌లోనే భారీ బడ్జెట్‌తో ఈ చిత్రాన్ని నిర్మిస్తున్నారు. త‌రుణ్ అరోరా విల‌న్‌గా న‌టిస్తున్న ఈ చిత్రానికి మ‌ణిశ‌ర్మ సంగీతం అందిస్తున్నారు. త‌మ‌న్నా, దిగాంగ‌న సూర్య‌వన్షీ హీరోయిన్‌లుగా న‌టిస్తున్నారు.