రా ఏజెంట్‌గా కాజ‌ల్ అగ‌ర్వాల్!

I had a crush on nagarjuna kajal agarwal
I had a crush on nagarjuna kajal agarwal

టాలీవుడ్ చంద‌మామ కాజ‌ల్ అగ‌ర్వాల్ పెళ్లైనా ఎక్క‌డా త‌గ్గ‌డం లేదు. పెళ్లికి ముందు సినిమాల విష‌యంలో ఎంత స్పీడుని ప్ర‌ద‌ర్శించిందో పెళ్లి త‌రువాత కూడా అంతే స్పీడుని ప్ర‌ద‌ర్శించింది. పెళ్లికి ముందు మెగాస్టార్ చిరంజీవి న‌టిస్తున్న `ఆచార్య‌` చిత్రం చేస్తున్న కాజ‌ల్ ఈ శుక్ర‌వారం విడుద‌లైన `మోస‌గాళ్లు`లోనూ మంచు విష్ణుకు అక్క‌గా న‌టించి షాకిచ్చింది.

ఇదిలా వుంటే తాజాగా కింగ్ నాగార్జున‌తో ఓ భారీ చిత్రానికి కాజ‌ల్ గ్రీన్ సిగ్న‌ల్ ఇచ్చిన విష‌యం తెలిసిందే. ఇందులో ఆమె పాత్ర రా ఏజెంట్ అని తెలిసింది. `పీఎస్‌వీ గ‌రుడ వేగ` త‌రువాత ప్ర‌వీణ్ స‌త్తారు ఈ చిత్రానికి ద‌ర్శ‌క‌త్వం వ‌హించ‌బోతున్నారు. ఇందులో నాగ్ ఎక్స్ రా ఏజెంట్‌గా క‌నిపించ‌నున్నార‌ట‌. కంప్లీట్ యాక్ష‌న్ ఎంట‌ర్‌టైన‌ర్‌గా రూపొందనున్న ఈ చిత్రంలో త‌న క్యారెక్ట‌ర్‌ని డిజైన్ చేసిన తీరు న‌చ్చ‌డం వ‌ల్లే కాజ‌ల్ ఈ చిత్రంలో న‌టించ‌డానికి గ్రీన్ సిగ్న‌ల్ ఇచ్చేసింద‌ట‌.

ఇక ఇందులో న‌టించ‌డానికి మ‌రో ప్ర‌త్యేక‌మైన కార‌ణం కూడా వుంద‌ని కాజ‌ల్ తెలిపిన‌ట్టు తెలిసింది. కింగ్ నాగ్‌తో ఇంత వ‌ర‌కు కాజ‌ల్ క‌లిసి న‌టించిలేదు. పైగా ఆయ‌నంటే కాజ‌ల్‌కు క్ర‌ష్ వుంద‌ట‌. ఆ కార‌ణంగానే ఈ చిత్రంలో న‌టించ‌డానికి కాజ‌ల్ అంగీక‌రించిన‌ట్టు తాజా గా తెలిసింది. అలాగే ఈ చిత్రంలోని త‌న పాత్ర కోసం కాజ‌ల్ మిక్స్డ్ మార్ష‌ల్ ఆర్ట్స్‌లో ప్ర‌త్యేకంగా శిక్ష‌ణ తీసుకోబోతోంది.