టైటిల్ క‌ర‌ణ్‌జోహార్‌కి న‌చ్చ‌లేదా?


టైటిల్ క‌ర‌ణ్‌జోహార్‌కి న‌చ్చ‌లేదా?
టైటిల్ క‌ర‌ణ్‌జోహార్‌కి న‌చ్చ‌లేదా?

పూరిజ‌గ‌న్నాథ్ సినిమా అంటే హీరో చాలా ఆస‌క్తిచూపిస్తుంటారు. ఆయ‌న సినిమాల్లో హీరోని ప్రెజెంట్ చేసే తీరు భిన్నంగా వుంటుంది. దాంతో ప్ర‌తీ హీరో ఒక్క‌సారైనా పూరితో క‌లిసి సినిమా చేయాల‌ని భావిస్తుంటారు. `ఇస్మార్ట్ శంక‌ర్‌` చిత్రం త‌రువాత విజ‌య్ దేవ‌ర‌కొండతో పూరి జ‌గ‌న్నాథ్ పాన్ ఇండియా స్థాయి చిత్రాన్ని ప్లాన్ చేసిన విష‌యం తెలిసిందే.

బాలీవుడ్ హీరోయిన్ అన‌న్య పాండే న‌టిస్తున్న ఈ చిత్రాన్ని పూరి, చార్మితో క‌లిసి బాలీవుడ్ క్రేజీ ప్రొడ్యూస‌ర్ క‌మ్‌, డైరెక్ట‌ర్ క‌ర‌ణ్‌జోహార్, అపూర్వ‌మెహ‌తా సంయుక్తంగా ఈ చిత్రాన్ని నిర్మిస్తున్నారు. బాక్సింగ్ నేప‌థ్యంలో రూపొందుతున్న ఈ చిత్రంలో హీరో విజ‌య్ దేవ‌ర‌కొండ బాక్సా‌ర్‌గా క‌నిపించ‌బోతున్నారు. ముంబై వీధుల్లో ప‌లు కీల‌క స‌న్నివేశాల‌తో పాటు హీరో, హీరోయిన్‌పై బైక్ ఛేజింగ్ దృశ్యాల‌ని చిత్రీక‌రించారు.

ఈ చిత్రం కోసం `ఫైట‌ర్‌` అనే టైటిల్‌ని పూరి ఫైన‌ల్ చేశాడు. అయితే ఈ చిత్రానికి స‌హ భాగ‌స్వామిగా వ్య‌వ‌హ‌రిస్తున్న క‌ర‌ణ్‌జోహార్‌కి ఆ టైటిల్ న‌చ్చ‌లేద‌ట‌. దీంతో మ‌రో టైటిల్‌ని పెట్టాల‌ని ఆ స్థానంలో `లైగ‌ర్‌` అనుకున్నార‌ట‌. పాన్ ఇండియా స్థాయి సినిమాకి త‌గ్గ టైటిల్‌గ లేద‌ని మ‌ళ్లీ క‌ర‌ణ్ అభ్యంత‌రం చెప్ప‌డంతో పూరిజ‌గ‌న్నాథ్ కొత్త టైటిల్ని వెతికే ప‌నిలో వున్నార‌ట‌. వ‌న్స్ క‌ర‌ణ్ మెచ్చే టైటిల్ కుదిరితే వెంట‌నే అనౌన్స్ చేయాల‌ని చిత్ర బృందం ప్లాన్ చేస్తున్న‌ట్టు తెలిసింది.