తమిళ చిత్రాన్ని మెచ్చుకుంటూ ట్వీట్ చేసిన సూపర్ స్టార్ మహేష్



తమిళ చిత్రాన్ని మెచ్చుకుంటూ ట్వీట్ చేసిన సూపర్ స్టార్ మహేష్
తమిళ చిత్రాన్ని మెచ్చుకుంటూ ట్వీట్ చేసిన సూపర్ స్టార్ మహేష్

సూపర్ స్టార్ మహేష్ బాబు తనకు ఏదైనా సినిమా నచ్చితే ఏమాత్రం మొహమాటం లేకుండా దాని గురించి సోషల్ మీడియాలో స్పందిస్తాడు. రీసెంట్ గా నెట్ ఫ్లిక్స్ జర్మన్ సిరీస్ డార్క్ గురించి స్పందించాడు మహేష్ బాబు. ఈ వెబ్ సిరీస్ ను జర్మన్ ఆడియోలో ఇంగ్లీష్ సబ్ టైటిల్స్ తో చూడండి.. అదిరిపోతుంది అని ట్వీట్ చేసాడు మహేష్. అలాగే ఇప్పుడు ఒక తమిళ సినిమా గురించి రియాక్ట్ అయ్యాడు.

తమిళ చిత్రం ఓ మై కడవులే అదిరిపోయింది. దర్శకుడు అశ్వత్ మరిముత్తు రైటింగ్ అండ్ డైరెక్షన్ అద్భుతంగా ఉంది. అశోక్ సెల్వన్ న్యాచురల్ యాక్టర్ అని ట్వీట్ చేసాడు. ఫిబ్రవరి 14న తమిళంలో విడుదలైన ఈ రొమాంటిక్ కామెడీ అక్కడ మంచి విజయాన్ని అందుకుంది. ప్రస్తుతం జీ5 లో ఈ సినిమా స్ట్రీమ్ అవుతోంది.

ఓ మై కడవులే టీమ్ మహేష్ ట్వీట్ పై రియాక్ట్ అయింది. అశోక్ సెల్వన్ ఇది కచ్చితంగా ఓ మై కడవులే మూమెంట్. థాంక్యూ వెరీ మచ్ సర్ అని రెస్పాండ్ అయ్యాడు. ఈ చిత్ర హీరోయిన్ రితిక సింగ్ స్పందిస్తూ ఇది కలా నిజమా! మీ నుండి ఈ ప్రశంస నిజంగా సూపర్ అని అంది. ఇక దర్శకుడు మాట్లాడుతూ నా ఫేవరెట్ హీరో నుండి ఈ ట్వీట్ రావడం నిజంగా అద్భుతంగా ఉంది అని అన్నాడు.