నితిన్ నో ఆబ్జెక్ష‌న్ అన్నారా?


నితిన్ నో ఆబ్జెక్ష‌న్ అన్నారా?
నితిన్ నో ఆబ్జెక్ష‌న్ అన్నారా?

ఆరు నెల‌ల విరామం త‌రువాత టాలీవుడ్‌లో షూటింగ్ లు మొద‌ల‌వుతున్నాయి. స్టార్ హీరోల సినిమాల నుంచి చిన్న చిత్రాల వ‌ర‌కు వ‌రుస‌గా పునః ప్రారంభం అవుతున్నాయి. అయితే అందులో అత్య‌ధిక శాతం ఓటీటీల్లో రిలీజ్ కావ‌డానికే సిద్ధ‌మ‌వుతున్నాయి. తాజాగా నితిన్ న‌టిస్తున్న `రంగ్ దే` మూవీ షూటింగ్ తిరిగి మొద‌లైంది.

వెంకీ అట్లూరి ద‌ర్శ‌క‌త్వంలో సితార ఎంట‌ర్‌టైన్‌మెంట్స్ బ్యాన‌ర్‌పై సూర్య దేవ‌ర నాగ‌వంశీ నిర్మిస్తున్నారు. ఇదే కాంబినేష‌న్‌లో ఇటీవ‌ల `భీష్మ‌` సూప‌ర్ హిట్ గా నిలిచిన విష‌యం తెలిసిందే. ఈ మూవీ ఇచ్చిన ఉత్సాహంతో `రంగ్ దే ` చిత్రాన్ని నితిన్ తిరిగి మొద‌టుపెట్టారు. షూటింగ్ పూర్తి కానీ ఈ మూవీ కి ప్ర‌ముఖ ఓటీటీ సంస్థ జీ5 భారీ ఆఫ‌ర్ ఇచ్చేసింద‌ట‌.

ఇటీవ‌ల `భీష్మ‌` బ్లాక్ బ‌స్ట‌ర్ గా నిల‌వ‌డంతో ఈ చిత్రానికి జీ5 36 కోట్లు డిజిట‌ల్ రైట్స్ కోసం ఆఫ‌ర్ చేసిన‌ట్టు చెబుతున్నారు. ఈ ఆఫ‌ర్ న‌చ్చ‌డంతో నితిన్ నో ఆబ్జెక్ష‌న్ అని నిర్మాత సూర్య‌దేవ‌ర నాగ‌వంశీకి చెప్పేశార‌ట‌. దీంతో ఈ మూవీ కూడా డైరెక్ట్ ఓటీటీలో రిలీజ్ అయ్యే అవ‌కాశాలే ఎక్కువ‌గా క‌నిపిస్తున్నాయని వార్త‌లు వినిపిస్తున్నాయి.