విజయ్ దేవరకొండతో పూరి బాలీవుడ్ మాస్టర్ ప్లాన్ అదిరిపోయిందిగా!


విజయ్ దేవరకొండతో పూరి బాలీవుడ్ మాస్టర్ ప్లాన్ అదిరిపోయిందిగా!
విజయ్ దేవరకొండతో పూరి బాలీవుడ్ మాస్టర్ ప్లాన్ అదిరిపోయిందిగా!

పూరి జగన్నాథ్ కు డాషింగ్ డైరెక్టర్ గా ఇండస్ట్రీలో పేరుంది. హీరోలను సరికొత్తగా ప్రెజంట్ చేయడంలో, కంప్లీట్ మేకోవర్ ఇవ్వడంలో పూరి సిద్ధహస్తుడు. అంతేకాకుండా తన సినిమాల్లో హీరోలు డైనమిక్ గా ఒకరకమైన యారగన్స్ మైంటైన్ చేస్తుంటారు. అయితే గత కొంత కాలంగా పూరి ఫామ్ పరంగా చాలా ఇబ్బందులు పడ్డాడు. ఇక తన పనైపోయిందన్నారు. అయితే పడడం, లేవడం పూరికి కొత్తేమీకాదు. తన పనైపోయిందన్న ప్రతిసారి విమర్శకుల పని పడుతూ పూరి జగన్నాథ్ బ్లాక్ బస్టర్స్ ను అందించాడు.

ఈసారి కూడా పూరి జగన్నాథ్ అదిరిపోయే రీసౌండింగ్ హిట్ ఇచ్చాడు. ఇస్మార్ట్ శంకర్ తో విమర్శకుల నోళ్లు మోయించాడు. ఇస్మార్ట్ శంకర్ తో పూరి జగన్నాథ్ కూడా కలలో ఊహించని హిట్ అందింది. నిన్నటితో ఈ చిత్రం 100 రోజుల రన్ కూడా పూర్తి చేసుకుంది. ఇటీవలే బుల్లితెరపై ప్రదర్శింపబడ్డ ఈ చిత్రం అదిరిపోయే టీఆర్పీ రేటింగ్స్ ను సొంతం చేసుకుంది. ఆంధ్ర, తెలంగాణ కలిపి మొత్తం 14.44 టీఆర్పీ రేటింగ్స్ వచ్చాయి. జీ5 యాప్ లో కూడా ఈ చిత్రం స్ట్రీమింగ్ అవుతోంది. ఇంత సాలిడ్ హిట్ ఇచ్చిన పూరి జగన్నాథ్ తన తర్వాతి చిత్రాన్ని విజయ్ దేవరకొండతో చేస్తున్న విషయం తెల్సిందే.

ప్రస్తుతం ప్రీ ప్రొడక్షన్ దశలో ఉన్న ఈ చిత్రం డిసెంబర్ నుండి షూటింగ్ మొదలవుతుంది. విజయ్ దేవరకొండ ప్రస్తుతం నటిస్తున్న వరల్డ్ ఫేమస్ లవర్, హీరో చిత్రాల చిత్రీకరణ పూర్తైన తర్వాతే ఇది మొదలవుతుంది. దీనికి ఇంకా సమయం ఉండడంతో పూరి పక్కా స్క్రిప్ట్ ను సిద్ధం చేస్తున్నాడు. మరోవైపు నటీనటుల ఎంపిక కూడా జరుగుతోంది. ఇక్కడే పూరి జగన్నాథ్ మాస్టర్ ప్లాన్ వేసినట్లుగా తెలుస్తోంది. ఈ చిత్రంలో హీరోయిన్ గా బాలీవుడ్ అందాల తార దివంగత శ్రీదేవి కూతురు జాన్వీని ప్రయత్నిస్తున్నట్లు సమాచారం.

ఇటీవలే ఒక ఇంటర్వ్యూలో జాహ్నవి మాట్లాడుతూ సౌత్ లో విజయ్ దేవరకొండతో పని చేయాలని ఉందని వ్యాఖ్యానించిన సంగతి తెల్సిందే. సరిగ్గా ఇప్పుడు ఇదే మాటను పట్టుకుని పూరి జాన్వీని ఒప్పించే ప్రయత్నంలో ఉన్నట్లు తెలుస్తోంది. దీనికోసం తన బాస్ వర్మ సహాయం కూడా తీసుకుంటున్నాడట. ఒకవేళ జాన్వీ కనుక ఎస్ అంటే ఈ చిత్రాన్ని తెలుగు – హిందీ భాషల్లో తెరకెక్కించాలని భావిస్తున్నాడు. అర్జున్ రెడ్డిని హిందీలో తీసే సమయంలో విజయ్ దేవరకొండ పేరు బాలీవుడ్ లో బాగానే హల్చల్ చేసింది. ఈ క్రేజ్ ను, జాన్వీ ఫ్యాక్టర్ ను ఉపయోగించుకోవాలని పూరి భావిస్తున్నాడు.

ఈ సినిమా కనుక బాలీవుడ్ లో హిట్ అయితే సల్మాన్ ఖాన్ తో చిత్రం చేసే అవకాశం మెరుగవుతుంది. ఎలాగు సల్మాన్ పూరితో సినిమా చేయడానికి సుముఖంగానే ఉన్నాడు కానీ హిందీ సినిమాను హ్యాండిల్ చేయగలడా అని ఆలోచిస్తున్నాడు. ఇలా ఒకే దెబ్బతో రెండు పిట్టల్ని కొట్టాలని పూరి భావన. ఎందుకంటే శ్రీదేవి కూతురు జాన్వీ సౌత్ లో చేస్తున్న ఫస్ట్ సినిమా అంటే ఇక్కడ కూడా చిత్రానికి ఫుల్ క్రేజ్ వస్తుంది. ఎంతైనా పూరి మామూలోడు కదబ్బా.