ఈషా రెబ్బా ట్రైలర్ లో అబ్బా..! అనిపించిందిగా


ఈషా రెబ్బా ట్రైలర్ లో అబ్బా..! అనిపించిందిగా
ఈషా రెబ్బా ట్రైలర్ లో అబ్బా..! అనిపించిందిగా

రాగల 24 గంటలలో ఏం జరుగుతుంది.? సత్యదేవ్, ఈషా రెబ్బా హీరో హీరోయిన్ లుగా శ్రీనివాస్ రెడ్డి డైరెక్షన్ లో వస్తున్న సినిమా “రాగల 24 గంటలలో”. ఈ సినిమా థియేటర్ ట్రైలర్ రిలీజ్ అయింది. అదిరిందయ్యా చంద్రం, టాటా బిర్లా మధ్యలో లైలా, యమగోల మళ్ళీ మొదలైంది, బ్రదర్స్ చందనా సిస్టర్స్ లాంటి కామెడీ సినిమాలు తీసిన డైరెక్టర్ శ్రీనివాస్ రెడ్డి నాగార్జున తో డమరుకం అనే సినిమా చేశారు. భారీ అంచనాల మధ్య విడుదలైన ఆ సినిమా ఫ్లాప్ అయ్యింది. ఆయన రీసెంట్ మూవీ మోహన్ బాబు అల్లరి నరేష్ ఇద్దరు కలిసి నటించిన మల్టీ స్టారర్ మూవీ “మామ మంచు అల్లుడు కంచు.”

ఇక ఇప్పుడు ఆయన దర్శకత్వం లో వస్తున్న “రాగల 24 గంటల్లో” సినిమా పూర్తి స్థాయి సస్పెన్స్ థ్రిల్లర్ సినిమా లాగా కనబడుతోంది. ట్రైలర్ చూస్తే మనకి అర్థమయ్యేది ఏమిటంటే ఎంతో ప్రేమించి పెళ్లి చేసుకున్న ఒక కొత్త జంట. హఠాత్తుగా హీరో చనిపోతాడు. హీరో మర్డర్ వెనుక ఉన్న మిస్టరీ ఏంటో సాల్వ్ చేసే క్రమంలో మిగిలిన పాత్రలు ఎదురవుతాయి.

అప్పుడెప్పుడో రవితేజ నిప్పు సినిమా లో హీరో ఫ్రెండ్ క్యారెక్టర్ లో కనిపించిన తమిళ హీరో శ్రీకాంత్ ఈ సినిమాలో ఒక ప్రధాన పాత్రలో, డమరుకం సినిమాలో విలన్ గా నటించిన గణేష్ వెంకట్రామన్ ఈ సినిమాలో కూడా నటిస్తున్నారు. డైరెక్టర్ శ్రీనివాస్ రెడ్డి బెస్ట్ బడ్డీ కమెడియన్ కృష్ణభగవాన్ గారు చాలా రోజుల తర్వాత ఈ సినిమా ద్వారా ప్రేక్షకుల ముందుకు వస్తున్నారు. నటుడిగా, నిర్మాతగా ఇలా అన్నిట్లో వేలు పెడుతున్న రఘు కుంచె ఈ సినిమా కి సంగీతం అందించారు.

ట్రైలర్ చివర్లో, “నా భర్తను నేనే చంపాను”… ఈషా రెబ్బా క్యారెక్టర్ చెప్పడం కొసమెరుపు. సూర్య వర్సెస్ సూర్య సినిమాలో నటించిన త్రిగధ చౌదరి బికినీ ధరించిన సీన్ లు ఈ ట్రైలర్ లో వాడారు. సినిమా డిజిటల్ మీడియా లో ప్రమోషన్ మొత్తం ఈషా రెబ్బా గ్లామర్ ని base చేసుకుని చేస్తున్నారు. మొత్తానికి ఈ సినిమా హిట్ అయి హీరో సత్య దేవ్ హీరోయిన్ ఈషా రెబ్బ లతో పాటు చాలా కాలంగా హిట్ లేని సినిమా డైరెక్టర్ శ్రీనివాస్ రెడ్డికి కూడా help అయితే అదే చాలు.