పుకార్ల‌పై క్లారిటీ ఇచ్చిన రాజ్ త‌రుణ్‌!


పుకార్ల‌పై క్లారిటీ ఇచ్చిన రాజ్ త‌రుణ్‌!
పుకార్ల‌పై క్లారిటీ ఇచ్చిన రాజ్ త‌రుణ్‌!

రంగుల రాట్నం, ల‌వ‌ర్‌, ఇద్ద‌రి లోకం ఒక‌టే.. ఇలా బ్యాక్ టు బ్యాక్ ఫ్లాపుల‌తో యంగ్ హీరో రాజ్ త‌రుణ్ స‌త‌మ‌త‌మ‌వుతున్నారు. ఆయ‌న న‌టిస్తున్న తాజా చిత్రం `ఒరేజ్ బుజ్జిగా`. విజ‌య్ కుమార్ కొండ ద‌ర్శ‌కుడు. కె.కె. రాధామోహ‌న్ ఈ చిత్రాన్ని నిర్మిస్తున్నారు. ఈ నెల 25న రిలీజ్‌కి సిద్ధ‌మ‌వుతోంది. క‌రోనా ప్ర‌భావం త‌గ్గితే 25న రిలీజ్ వుంటుంది లేక‌పోతే వాయిదా ప‌డే అవ‌కాశం వుంద‌ని తెలిసింది.

ఈ సినిమా హిట్ ద‌ర్శ‌కుడు విజ‌య్ కుమార్ కొండ‌కు, హీరో రాజ్ త‌రుణ్‌కు చాలా అవ‌స‌రం. అందుకు త‌గ్గ‌ట్టే ప్లాన్ ని ప‌ర్‌ఫెక్ట్‌గా చేసుకున్నారు. క‌రీంన‌గ‌ర్‌, తిరుప‌తి, హైద‌రాబాద్‌ల‌లో ప్రీరిలీజ్ ఈ వెంట్‌లు చేస్తున్నారు. ఇటీవ‌ల క‌రీంన‌గ‌ర్‌లో ప్రీరిలీజ్ ఈ వెంట్‌ని పూర్తి చేశారు. ఇదిలా వుంటే రాజ్ త‌రుణ్ గ‌త కొంత కాలంగా త‌న సింగిల్ స్టేట‌స్‌పై వ‌రుస క‌థ‌నాలు వినిపిస్తున్నాయి. రాజ్ త‌రుణ్ ఓ హీరోయిన్‌తో డేటింగ్‌లో వున్నాడ‌ని, త్వ‌ర‌లోనే ఇద్ద‌రూ వివాహం చేసుకోబోతున్నారంటూ ప్ర‌చారం మొద‌లైంది. అయితే ఆ ప్ర‌చారంలో ఎలాంటి వాస్త‌వం లేద‌ని రాజ్ తరుణ్ స్ప‌ష్టం చేశారు.

త‌ను ఎవ‌రితో డేటింగ్‌లో లేనని, తను సింగిల్ గానే వున్నాన‌ని అయితే మ‌రో మూడేళ్ల త‌రువాత‌ మాత్రం వివాహం చేసుకోబోతున్నాన‌ని వెల్ల‌డించ‌డం ఆస‌క్తిక‌రంగా మారింది. రాజ్ త‌రుణ్ `ఒరేయ్ బుజ్జిగా` చిత్రం త‌రువాత జ‌య‌చంద్ర ప‌స‌ల‌పూడి ద‌ర్శ‌క‌త్వంలో `ఛాంపియ‌న్‌` పేరుతో ఓ సినిమా చేస్తున్నారు. దీనికి సంబంధించిన మ‌రిన్ని వివ‌రాలు త్వ‌ర‌లోనే వెల్ల‌డికానున్నాయి.