త‌లైవ‌ర్ ర‌జ‌నీకాంత్ 168 మొద‌లైంది!


త‌లైవ‌ర్ ర‌జ‌నీకాంత్ 168 మొద‌లైంది!
త‌లైవ‌ర్ ర‌జ‌నీకాంత్ 168 మొద‌లైంది!

త‌మిళ సూప‌ర్‌స్టార్ ర‌జ‌నీకాంత్ స్పీడు పెంచారు. గ‌తంలో సినిమా సినిమాకు గ్యాప్ తీసుకుంటూ వ‌చ్చిన ర‌జ‌నీ గ‌త కొంత కాలంగా వ‌రుస చిత్రాల్ని వెంట వెంట‌నే సెట్స్‌పైకి తీసుకెళుతూ యంగ్ హీరోల‌కు ధీటుగా పనిచేస్తున్నారు. ఈ క్ర‌మంలో కొత్త ద‌ర్శ‌కుల్ని ప్రొత్స‌హిస్తున్నారాయ‌న‌. ఇటీవ‌ల పా. రంజిత్ కి అవ‌కాశం ఇచ్చిన ర‌జ‌నీ అత‌నితో `కబాలి`, కాలా` చిత్రాల‌కు ప‌నిచేశారు. ఆ త‌రువాత యంగ్ డైరెక్ట‌ర్ `పిజ్జా` ఫేమ్ కార్తీక్ సుబ్బ‌రాజుతో క‌లిసి `పేట్టా` చిత్రాన్ని చేశారు.

ప్ర‌స్తుతం ప‌వ‌ర్‌ఫుల్ పోలీస్ ఆఫీస‌ర్ పాత్ర‌లో ర‌జ‌నీ న‌టిస్తున్న చిత్రం `ద‌ర్బార్‌`. చాలా ఏళ్ల విరామం త‌రువాత ర‌జ‌నీ పోలీస్ ఆఫీస‌ర్‌గా న‌టిస్తున్న చిత్ర‌మిది. లైకా ప్రొడ‌క్షన్స్ బ్యాన‌ర్‌పై అల్లి రాజా సుభాస్క‌ర‌న్ ఈ చిత్నాన్ని నిర్మిస్తున్నారు. తొలిసారి ఈ సినిమా ద్వారా ఎ.ఆర్‌. మురుగ‌దాస్‌తో ర‌జ‌నీ ప‌నిచేస్తున్నారు. ఈ పినిమాపై భారీ అంచ‌నాలే వున్నాయి. ఇటీవ‌లే ఆడియో రిలీజ్ అయిన ఈ చిత్రానికి అనిరుధ్ సంగీతం అందించాడు. భారీ అంచ‌నాల మ‌ధ్య వ‌స్తున్న ఈ చిత్రం సంక్రాంతికి రిలీజ్ కాబోతోంది. ఇదిలా వుంటే ర‌జ‌నీ ఒక సినిమా రిలీజ్‌కి ముందే మ‌రో చిత్రాన్ని లైన్‌లో పెట్టారు.

అజిత్‌తో వ‌రుస చిత్రాల్ని రూపొందించి క‌మ‌ర్షియ‌ల్ హిట్‌ల‌ని అందించిన శివ ద‌ర్శ‌క‌త్వంలో ర‌జ‌నీకాంత్ త‌న 168వ చిత్రాన్ని చేస్తున్నారు. `త‌లైవ‌ర్ 168` అనే వ‌ర్కింగ్ టైటిల్‌ని ఖ‌రారు చేసిన ఈ చిత్ర షూటింగ్ బుధ‌వారం హైద‌రాబాద్‌లో లాంఛ‌నంగా మొద‌లైన‌ట్టు తెలిసింది. ర‌జ‌నీకి జోడీగా ఇందులో కీర్తిసురేష్ న‌టిస్తోంది. కీల‌క పాత్ర‌ల్లో మీనా, ఖుష్బూ న‌టిస్తుండ‌గా విల‌న్‌గా విల‌క్ష‌ణ న‌టుడు ప్ర‌కాష్‌రాజ్ క‌నిపించ‌బోతున్నారు. మీనా, ర‌జ‌నీ క‌లిసి గ‌తంలో `ముత్తు` చిత్రంలో న‌టించారు. చాలా ఏళ్ల విరామం త‌రువాత ఇద్ద‌రు క‌లిసి 24 ఏళ్ల విరామం త‌రువాత మ‌రోసారి న‌టిస్తుండ‌టంతో ఈ చిత్రంపై అంచ‌నాలు నెల‌కొన్నాయి. ర‌జ‌నీ, కీర్తిసురేష్‌ల‌పై ముహూర్త స‌న్నివేశాన్ని చిత్రీక‌రించారు. తాజా షెడ్యూల్ చెన్నైలో ప్రారంభం కానుంది.