ఇంత‌కీ అకీరాని ప‌రిచ‌యం చేసేది ఎవ‌రు?


Ram charan to launch Akira as hero
Ram charan to launch Akira as hero

ప‌వ‌ర్‌స్టార్ ప‌వ‌న్‌ క‌ల్యాణ్ రెండేళ్ల విరామం త‌రువాత వ‌రుస సినిమాల‌తో షాకిస్తున్న విష‌యం తెలిపిందే. వ‌రుస‌గా మూడు నుంచి నాలుగు చిత్రాల్ని ప‌వ‌న్ లైన్‌లో పెట్టారు. ప్ర‌స్తుతం `పింక్‌` రీమేక్‌, క్రిష్ జాన‌ప‌ద చిత్రం చిత్రీక‌ర‌ణ జ‌రుపుకుంటున్నాయి. మ‌రో రెండు త్వ‌ర‌లోనే ప్రారంభం కాబోతున్నాయి. ఈ నేప‌థ్యంలో ప‌వ‌ర్‌స్టార్ త‌న‌యుడు అకీరా నంద‌న్ టాలీవుడ్ ఎంట్రీపై స‌ర్వ‌త్రా చ‌ర్చ జ‌రుగుతోంది. ఇప్ప‌టికే అత‌ని కోసం ప‌వ‌న్ 5 కోట్లు విలువ చేసే ఓ ల‌గ్జ‌రీ ఫ్లాట్‌ని కొనుగోలు చేశాడని ప్ర‌చారం మొదలైంది.

పూనేలో త‌ల్లి రేణూదేశాయ్‌తో క‌లిసి వుంటుంన్న అకీరా, ఆధ్యా త్వ‌ర‌లోనే హైద‌రాబాద్‌కు షిప్ట్ కానున్నార‌ని, ఆ త‌రువాతే అకీరా హీరోగా ఎంట్రీ వుంటుంద‌ని తెలుస్తోంది. అయితే అకీరాను హీరోగా ప‌రిచ‌యం చేసే బాధ్య‌త‌ల్ని ఎవ‌రు తీసుకున్నారు? అన్న‌ది ఇంకా స్ప‌ష్ట‌త రాలేదు. అయితే తాజా స‌మాచారం ప్ర‌కారం ఆ బాధ్య‌త‌ల్ని మెగా ప‌వ‌ర్‌స్టార్ రామ్‌చ‌ర‌ణ్ తీసుకున్న‌ట్టు తెలిసింది.

కొణిదెల ప్రొడ‌క్ష‌న్స్ బ్యాన‌ర్‌పై తండ్రి చిరంజీవి హీరోగా రామ్‌చ‌ర‌ణ్ సినిమాలు నిర్మిస్తున్న విష‌యం తెలిసిందే. ఈ బ్యాన‌ర్‌లోనే అకీరాను హీరోగా ప‌రిచ‌యం చేసే అవ‌కాశం వుంద‌ని, అందుకు త‌గ్గ ఏర్పాట్లు జ‌రుగుతున్నాయ‌ని ఫిల్మ్ స‌ర్కిల్స్‌లో వినిపిస్తోంది. దీనికి సంబంధించిన అఫీషియ‌ల్ న్యూస్ త్వ‌ర‌లోనే రానుంద‌ని ఇండ‌స్ట్రీ వ‌ర్గాల టాక్‌. ఆ సినిమా ఎలా వుంటుంది. ప‌వ‌న్ స్టార్‌డ‌మ్‌కి త‌గ్గ‌ట్టే అకీరా ఎంట్రీ వుంటుందా? అన్న‌ది వేచి చూడాల్సిందే.