సెట్‌లో సంద‌డికి రానా రెడీ..!


సెట్‌లో సంద‌డికి రానా రెడీ..!
సెట్‌లో సంద‌డికి రానా రెడీ..!

గ‌త ఏడు నెల‌లుగా ఆగిపోయిన షూటింగ్‌లు మ‌ళ్లీ మొద‌ల‌వుతున్నాయి. స్టార్ హీరోల చిత్రాల నుంచి చిన్న హీరోల మూవీస్ వ‌ర‌కు అన్నీ సెట్స్ పైకి వ‌చ్చేస్తున్నాయి. రానాద‌గ్గుబాటి కూడా సెట్‌లో సంద‌డి చేయ‌డానికి రెడీ అయిపోయాడు. త‌ను న‌టిస్తున్న తాజా చిత్రం `విరాట‌ప‌ర్వం`. వేణు ఊడుగుల ద‌ర్శ‌క‌త్వం వ‌హిస్తున్న ఈ చిత్రంలో హీరోయిన్‌గా సాయి ప‌ల్ల‌వి న‌టిస్తోంది.

ఇటీవ‌ల వివాహం చేసుకున్న రానా దగ్గుబాటి ఎట్టకేలకు తన రాబోయే చిత్రం షూటింగ్‌లో చేరడానికి బయలుదేరాడు. కరోనా కార‌ణంగా షూటింగ్‌లు ఆగిపోవ‌డం… వంటి కార‌ణాల‌తో ఇంటి ప‌ట్టునే వున్న రానా ఈ మ‌ధ్యే హ‌నీమూన్‌కి వెళ్లొచ్చారు. ప్ర‌స్తుతం ఫ్రీ కావ‌డం, త‌ను న‌టిస్తున్న సినిమా సెట్స్‌పైకి వెళ్ళ‌డంతో రానా కూడా సెట్‌లోకి ఎంట‌ర‌య్యారు.

ఈ సంద‌ర్భంగా ఓ ఫొటోని షేర్ చేసిన రానా దానితో పాటు ఆస‌క్తిక‌ర పోస్ట్‌ని షేర్ చేశారు. `చాలా కాలం త‌రువాత షూటింగ్‌లో పాల్గొంటుండ‌టం ఆనందంగా వుంద‌ని వెల్ల‌డించారు. రానా న‌టించిన మ‌రో చిత్రం `అర‌ణ్య‌`. పాన్ ఇండియా స్థాయిలో ఈ చిత్రాన్ని త్వ‌ర‌లో రిలీజ్ చేస్తున్నారు.