అలా నేను చెప్ప‌లేదు – రాశీఖ‌న్నా


అలా నేను చెప్ప‌లేదు - రాశీఖ‌న్నా
అలా నేను చెప్ప‌లేదు – రాశీఖ‌న్నా

రాశీఖ‌న్నా న‌టించిన చిత్రం `వ‌ర‌ల్డ్ ఫేమ‌స్ ల‌వ‌ర్‌`. విజ‌య్ దేవ‌ర‌కొండ హీరోగా న‌టించిన ఈ చిత్రాన్ని క్రాంతి మాధ‌వ్ తెర‌కెక్కించారు. కె.ఎస్‌. రామారావు నిర్మించిన ఈ చిత్రంలో రాశీఖ‌న్నాతో పాటు కేథ‌రిన్‌, ఐఠ‌శ్వ‌ర్యా రాజేష్‌, ఇజ‌బెల్ల క‌థానాయిక‌లుగా న‌టించారు. ఈ ఏడాది ఫిబ్ర‌వ‌రి 14న భారీ అంచ‌నాల మ‌ధ్య విడుద‌లైన ఈ చిత్రం  బాక్సాఫీస్ వ‌ద్ద దారుణంగా ఫ్లాప్ అయింది.

చిత్ర నిర్మాత‌కు భారీ న‌ష్టాల‌ని తెచ్చిపెట్టింది. ఒక్క‌సారిగా ఈ చిత్రం వార్త‌ల్లో నిలిచింది. అయితే ఈ చిత్రంపై రాశీఖ‌న్నా వివాదాస్ప‌ద వ్యాఖ్య‌లు చేసింద‌ని, గ‌త చిత్రాల‌కు మించి ఈ సినిమాలో హ‌ద్దులు దాటి లిప్ లాక్‌లు, బెడ్ రూమ్ సీన్‌లు చేయాల్సి వ‌చ్చింద‌ని, అయితే అవి అయిష్టంగానే తాను చేశాన‌ని, భ‌విష్య‌త్తులో మ‌ళ్లీ అలాంటి స‌న్నివేశాల్లో న‌టించ‌న‌ని రాశీఖన్నా వెళ్ల‌డించిన‌ట్టు ప్ర‌చారం జ‌రిగింది.

అయితే అలా తాను చెప్ప‌లేద‌ని రాశీఖ‌న్నా ట్విట్టర్ వేదిక‌గా స్పందించారు. తాను బాధ‌ప‌డుతూ ఏ సినిమా చేయ‌లేద‌ని, విజ‌యం సాధించినా సాధించ‌క‌పోయినా ప్ర‌తి సినిమా అంద‌మైన ప్ర‌యాణం. ప్ర‌తి చిత్రం కొత్త విష‌యాల్ని నేర్పుతుంది. మేమంతా న‌టులుగా ఇంకాస్త ఎదుగుతాం. అంతే కానీ ఏ సినిమాని భ‌యంతోనే బాధ‌తోనో చేయం అని వెల్ల‌డించింది.

Credit: Twitter