రేణుదేశాయ్‌కి మ‌హేష్ బంప‌ర్ ఆఫ‌ర్‌?


రేణుదేశాయ్‌కి మ‌హేష్ బంప‌ర్ ఆఫ‌ర్‌?
రేణుదేశాయ్‌కి మ‌హేష్ బంప‌ర్ ఆఫ‌ర్‌?

ప్రిన్స్ సూప‌ర్ స్టార్ మ‌హేష్ స్టార్ హీరో ప‌వ‌న్‌క‌ల్యాణ్ మాజీ భార్య రేణుదేశాయ్ కి బంప‌ర్ ఆఫ‌ర్ ఇచ్చారా? అంటే ఇండ‌స్ట్రీ వ‌ర్గాల్లో అవున‌నే స‌మాధానం వినిపిస్తోంది. విభిన్న చిత్రాలతో వ‌రుస విజ‌యాల్నిసాధిస్తూ మంచి పేరు తెచ్చుకున్నారు అడివి శేష్‌. `ఎవ‌రు` చిత్రం త‌రువాత అడివి శేష్ న‌టిస్తున్న చిత్రం `మేజ‌ర్‌`. సోనీ పిక్చ‌ర్స్ సంస్థ‌తో క‌లిసి ప్రిన్స్ మ‌హేష్‌బాబు ఈ చిత్రాన్ని నిర్మిస్తున్నారు.

`గూఢ‌చారి` ఫేమ్ శిశికిర‌ణ్ తిక్క ఈ చిత్రాన్ని తెర‌కెక్కిస్తున్నారు. విధి నిర్వ‌హ‌ణ‌లో మేజ‌ర్ ఉన్నికృష్ణ‌న్ మృతి చెందారు. ఆయ‌న జీవిత క‌థ ఆధారంగా ఈ చిత్రాన్ని తెర‌కెక్కిస్తున్నారు. ఇప్ప‌టి వ‌ర‌కు జ‌రిగిన షూటింగ్‌తో 40 శాతం చిత్రీక‌ర‌ణ పూర్త‌యింది. క‌రోనా వైర‌స్ కార‌ణంగా గ‌త కొన్ని రోజులుగా ఈ చిత్ర షూటింగ్‌ని తాత్కాలికంగా ఆపేశారు. ప‌రిస్థితుల‌ని బ‌ట్టి మ‌ళ్లీ షూటింగ్ ప్రారంభించాల‌ని చిత్ర బృందం ప్లాన్ చేస్తోంది.

తాజాగా ఈ చిత్రంలోని ఓ ప‌వ‌ర్‌ఫుల్ అతిధి పాత్ర కోసం రేణుదేశాయ్ ని చిత్ర బృందం అనుకుంటోంద‌ట‌. ఇప్ప‌టికే ఆమెని సంప్ర‌దించార‌ని కూడా వార్లు వినిపిస్తున్నాయి. అడివి శేష్, రేణు దేశాయ్ త‌న‌యుడు అకీరాతో స‌న్నిహితంగా వుంటున్నారు. ఆ చ‌నువుతో రేణు దేశాయ్‌ని ఈ సినిమా కోసం అడివి శేష్ సంప్ర‌దించార‌ట‌. దీనికి ప్రిన్స్ మ‌హేష్ కూడా గ్రీన్ సిగ్న‌ల్ ఇచ్చార‌ని తెలిసింది. రేణుదేశాయ్ నుంచి రిప్లై రావాల్సి వుంది. పాత్ర నిడివి త‌క్కువే అయినా సినిమాలో రేణుదేశాయ్ పాత్ర ప‌వ‌ర్‌ఫుల్‌గా వుంటుంద‌ని చెబుతున్నారు.