నాగ‌చైత‌న్య‌ని కామెంట్ చేసిన స‌మంత‌!

నాగ‌చైత‌న్య‌ని కామెంట్ చేసిన స‌మంత‌!
నాగ‌చైత‌న్య‌ని కామెంట్ చేసిన స‌మంత‌!

సమంత, నాగ చైతన్య ఒకిరిపై ఒక‌రికి వున్న ప్రేమను వెల్ల‌డించ‌డానికి మొహ‌మాట ప‌డ‌టం లేదు. సోష‌ల్ మీడియా వేదిక‌గా త‌మ ఆనందాన్ని వ్య‌క్తం చేస్తున్నారు. నిత్యం సోష‌ల్ మీడియా వేదిక‌గా యాక్టివ్‌గా వుండే ఈ జంట నిత్యం ఏదో ఒక పోస్ట్‌తో వార్త‌ల్లో నిలుస్తున్న విష‌యం తెలిసిందే. తాజాగా అలాంటి పోస్ట్‌తో మ‌రోసారి సామ్‌, చై వార్త‌ల్లో నిలిచారు.

సెన్సిబుల్ డైరెక్ట‌ర్ శేఖర్ కయ్యుల ద‌ర్శ‌క‌త్వంలో రూపొందుతున్న రొమాంటిక్ `ల‌వ్‌స్టోరీ`లో న‌టిస్తున్నారు నాగ‌చైత‌న్య ఇటీవ‌లే ఈ మూవీ షూటింగ్ పూర్తియింది. త్వ‌ర‌లో రిలీజ్‌కి రెడీ అవుతోంది. ఈ మూవీ త‌రువాత నాగ‌చైత‌న్య `మ‌నం` ఫేమ్ విక్ర‌మ్ కె. కుమార్ ద‌ర్శ‌క‌త్వంలో రూపొందుతున్న `థ్యాంక్యూ` చిత్రంలో న‌టిస్తున్నారు. ఈ మూవీ షూటింగ్ ద‌శ‌లో వుంది. ఈ చిత్రానికి పీసీ శ్రీ‌రామ్ ఛాయాగ్ర‌హ‌ణం అందిస్తున్నారు.

తాజాగా ఈ మూవీ ఆన్ ద సెట్స్‌కి సంబంధించిన క్యాండిడ్ పిక్చ‌ర్‌ని చై షేర్ చేశారు. దీనికి ఓ ఆస‌క్తిక‌ర‌మైన పోస్ట్‌ని జ‌త చేశారు. పీసీ శ్రీ‌రామ్‌తో క‌లిసి వ‌ర్క్ చేయ‌డం ఓ మ‌ధుర‌మైన అనుభూతి. నాకు ల‌భించిన ఆశీర్వాదం అంటూ పీసీ శ్రీ‌రామ్‌కు కృత‌జ్ఞ‌త‌లు తెలిపారు. ఇదే ఫొటోపై స‌మంత కామెంట్ చేసింది. నాగ‌చైత‌న్య సెట్‌లో నీరిక్షిస్తున్న ఫొటోని ట్యాగ్ చేస్తూ ` “మీరు నా గురించి ఆలోచిస్తున్నారా?” ప్రేమ ఎమోజీతో సామ్ వ్యాఖ్యానించారు. ప్ర‌స్తుతం ఈ ఫొటో సోష‌ల్ మీడియాలో వైర‌ల్ గా మారింది.