సందీప్ కిష‌న్ రౌడీ బేబీ కాదు గ‌ల్లీరౌడీ!

సందీప్ కిష‌న్ రౌడీ బేబీ కాదు గ‌ల్లీరౌడీ!
సందీప్ కిష‌న్ రౌడీ బేబీ కాదు గ‌ల్లీరౌడీ!

విభిన్న‌మైన చిత్రాల్లో న‌టిస్తూ వ‌రుస విజ‌యాల్ని సొంంత చేసుక‌రుంటున్నారు యంగ్ హీరో సందీప్ కిష‌న్ . ఇటీవ‌ల `ఏ1 ఎక్స్‌ప్రెస్‌` చిత్రంతో ప్రేక్ష‌కుల్ని ఆక‌ట్టుకుని స‌క్సెస్‌ని త‌న ఖాతాలో వేసుకున్న సందీప్ కిష‌న్ ప్ర‌స్తుతం కోన ఫిల్మ్ కార్పొరేష‌న్‌, ఎంవీవీ సినిమా క‌ల‌యిక‌లో ఎంవీవీ స‌త్య‌నారాయ‌ణ ఓ చిత్రాన్ని నిర్మిస్తున్నారు. జి. నాగేశ్వ‌ర‌రెడ్డి ద‌ర్శ‌క‌త్వం వ‌హిస్తున్నారు. త‌మిళ న‌టుడు బాబీ సింహా కీల‌క పాత్ర‌లో న‌టిస్తున్నారు.

నేహాశెట్టి హీరోయిన్‌గా న‌టిస్తోంది. ఎంట‌ర్‌టైన్‌మెంట్ ప్ర‌ధానంగా రూపొందుతున్న ఈ చిత్రానికి ముందు `రౌడీ బేబీ` టైటిల్ అనుకున్నారు. కానీ కొన్ని కార‌ణాల వ‌ల్ల ఆ టైటిల్‌ని ప‌క్క‌న పెట్టి ఈ చిత్రానికి `గ‌ల్లీరౌడీ` అనే టైటిల్‌ని ఫైన‌ల్ చేశారు. ఈ సంద‌రంగా ఈ చిత్ర టైటిల్ వీడియోని ద‌ర్శ‌కుడు గోపీచంద్ మ‌లినేని, శివ నిర్వాణ సోష‌ల్ మీడియా వేదిక‌గా విడుద‌ల చేశారు.

స్టార్ రైట‌ర్ కోన వెంక‌ట్ స‌మ‌ర్ప‌ణ‌లో రూపొందుతున్న ఈ మూవీ చిత్రీక‌ర‌ణ ద‌శ‌లో వుంది. పూర్తి స్థాయి ఎంట‌ర్‌టైనర్‌గా రూపొందుతున్న ఈ మూవీలో ఫ‌న్ ఏమాత్రం త‌గ్గ‌ద‌ని, జి. నాగేశ్వ‌ర‌రెడ్డి మార్కు వినోదం వుంటుంద‌ని మేక‌ర్స్ చెబుతున్నారు. ఈ చిత్రానికి సంబంధించిన మ‌రిన్ని వివ‌రాల్ని త్వ‌ర‌లోనే వెల్ల‌డించ‌నున్న‌ట్టు నిర్మాత‌లు తెలిపారు.