రామ్‌చ‌ర‌ణ్ మూవీకి శంక‌ర్ రెమ్యున‌రేష‌న్ ఎంత‌?

రామ్‌చ‌ర‌ణ్ మూవీకి శంక‌ర్ రెమ్యున‌రేష‌న్ ఎంత‌?
రామ్‌చ‌ర‌ణ్ మూవీకి శంక‌ర్ రెమ్యున‌రేష‌న్ ఎంత‌?

ద‌క్షిణ భార‌తీయ సినీ దిగ్గ‌జ ద‌ర్శ‌కుల్లో శంక‌ర్ ఒక‌రు. ఆయ‌న ఒక్కో చిత్రానికి పారితోషికం భారీ స్థాయిలోనే తీసుకుంటున్నారు. తాజాగా రామ్‌చ‌ర‌ణ్ తో ఆయ‌న భారీ ప్రాజెక్ట్‌ని చేస్తున్న విష‌యం తెలిసిందే. ఈ ప్రాజెక్ట్ ప్ర‌క‌టించ‌న ద‌గ్గ‌రి నుంచి రోజుకో వార్త నెట్టింట హ‌ల్‌చ‌ల్ చేస్తోంది. తాజాగా శంక‌ర్ రెమ్యున‌రేష‌న్ ఇప్పుడు చ‌ర్చ‌నీయాంశంగా మారింది.

రామ్‌చ‌ర‌ణ్ 15వ చిత్ర‌మిది. యాదృచ్చికంగా ఈ ప్రాజెక్ట్ కూడా శంక‌ర్‌కు 15వదే కావ‌డం విశేషం. శ్రీ‌వెంక‌టేశ్వ‌ర క్రియేష‌న్స్ బ్యాన‌ర్‌పై ఈ పాన్ ఇండియా చిత్రాన్ని దిల్‌రాజు, శిరీష్ నిర్మించ‌బోతున్నారు. ఈ బ్యాన‌ర్‌కిది 50వ చిత్రం. ప్ర‌స్తుతం ప్రీ ప్రొడ‌క్ష‌న్ వ‌ర్క్‌లో వున్న ఈ మూవీకి శంక‌ర్ తీసుకుంటున్న రెమ్యున‌రేష‌న్ ప్ర‌స్తుతం హాట్ టాపిక్‌గా మారింది.

శంక‌ర్ ప్ర‌తి చిత్రానికి 40 కోట్లు తీసుకుంటున్నారు. `ఇండియ‌న్ 2`కు కూడా ఇదే మొత్తాన్నితీసుకున్నారు. ఇప్పుడు రామ్‌చ‌ర‌ణ్ చిత్రానికి ‌కూడా ఇదే మొత్తాన్ని డిమాండ్ చేశార‌ట‌. అందుకు దిల్‌రాజు కూడా గ్రీన్ సిగ్న‌ల్ ఇచ్చినట్టు చెబుతున్నారు. మ‌న దేశంలో ఈ స్థాయిలో పారితోషికాన్ని అందుకుంటున్న ద‌ర్శ‌కుల‌లో శంక‌ర్‌ది రెండ‌వ స్థానం. రాజ‌మౌళి ప్ర‌ధ‌మ స్థానంలో వున్నారు. ఆయ‌న ప్ర‌తి చిత్రానికి బిజినెస్‌లో వాటాతో క‌లిపి 75 కోట్లు తీసుకుంటున్నార‌ట‌.