తెలంగాణలో షూటింగ్ లకు ప్రభుత్వం ఇచ్చిన మార్గదర్శకాలివే


తెలంగాణలో షూటింగ్ లకు ప్రభుత్వం ఇచ్చిన మార్గదర్శకాలివే

తెలంగాణలో షూటింగ్ లకు ప్రభుత్వం ఇచ్చిన మార్గదర్శకాలివేతెలంగాణ ప్రభుత్వం రీసెంట్ గా షూటింగ్ లకు అనుమతులిస్తూ ఉత్తర్వులు జారీ చేసిన విషయం తెల్సిందే. ఈ నేపథ్యంలో ప్రభుత్వం ఇచ్చిన మార్గదర్శకాలను బట్టి చూస్తే కొన్ని నిబంధనలను పోందుపర్చింది. అవి ఒకసారి పరిశీలిస్తే..

* నటీనటులు, సాంకేతిక నిపుణుల ఆరోగ్యానికి నిర్మాతదే పూర్తి బాధ్యత. ఆ మేరకు సెల్ఫ్ డిక్లరేషన్ ఫామ్ ను ప్రభుత్వానికి సమర్పించాల్సి ఉంటుంది.

* వీలైనంత వరకూ షూటింగ్ ను అవుట్ డోర్ లో కాకుండా చూసుకోవాలి. సెట్స్ వేసుకుని ఇండోర్ లోనే జరిగేలా చూసుకోవాలి.

* ప్రస్తుతం ఇచ్చిన అనుమతి కొత్త సినిమాల షూటింగ్ లకు కాదు. ఇప్పటికే మొదలై ఆగిపోయిన వాటికి.

* నటీనటులు ఇంటి వద్దనే మేకప్ వేసుకునేలా చూసుకోవాలి. నటీనటులకు కార్ పంపేటప్పుడు దానికి పూర్తిగా శానిటైజ్ చేయాలి.

* షూటింగ్ పోస్ట్ ఎంట్రీ గేట్ వద్దే హ్యాండ్ వాష్, శానిటైజర్ అందుబాటులో ఉంచుకోవాలి.

* షూటింగ్ స్పాట్ లో కచ్చితంగా డాక్టర్ ఉండాలి.

* షూటింగ్ స్పాట్ లో 40 మందికి మించి సిబ్బంది ఉండకూడదు.

* హెయిర్ డ్రెస్సేర్, మేకప్ మ్యాన్ లు కచ్చితంగా పీపీఈ కిట్స్ ధరించాలి.

* మేకప్ వేసుకున్న ఆర్టిస్ట్ లు కచ్చితంగా ఫేస్ షీల్డ్ ను ఉపయోగించాలి.

* ఆరోగ్య సేతు యాప్ ప్రతి ఒక్కరూ కచ్చితంగా డౌన్లోడ్ చేసుకోవాలి.

* షూటింగ్ జరుగుతున్న సమయంలో ఫేస్ మాస్క్, భౌతిక దూరం తప్పనిసరి.

* షూటింగ్ ఏరియాలో పాన్, సిగరెట్లు నిషిద్ధం.

* ప్రతి ఒక్కరూ మెడికల్ డిక్లరేషన్ సమర్పించాలి.