విజ‌య్ దేవ‌ర‌కొండ‌కు మ‌రో బ్లాక్ బ‌స్ట‌ర్ గ్యారెంటీ!


విజ‌య్ దేవ‌ర‌కొండ‌కు మ‌రో బ్లాక్ బ‌స్ట‌ర్ గ్యారెంటీ!
విజ‌య్ దేవ‌ర‌కొండ‌కు మ‌రో బ్లాక్ బ‌స్ట‌ర్ గ్యారెంటీ!

టాలీవుడ్‌లో సెన్సేష‌న్‌ని క్రియేట్ చేస్తున్న హీరో విజ‌య్ దేవ‌ర‌కొండ‌. `డియ‌ర్ కామ్రేడ్‌` త‌రువాత అత‌ని నుంచి వ‌స్తున్న రొమాంటిక్ ల‌వ్‌స్టోరీ `వ‌ర‌ల్డ్ ఫేమ‌స్ ల‌వ‌ర్‌`. `మ‌ళ్లీ మ‌ళ్లీ ఇది రాని రోజు` ఫేమ్ క్రాంతి మాధ‌వ్ ఈ చిత్రాన్ని రూపొందిస్తున్రారు. ప్ర‌ముఖ నిర్మాత కె.ఎస్‌.రామారావు స‌మ‌ర్ప‌ణ‌లో ఆయ‌న త‌న‌యుడు కె.ఎ. వ‌ల్ల‌భ నిర్మిస్తున్నారు. ఈ సినిమా ఫ‌స్ట్ లుక్ పోస్ట‌ర్‌ల‌ని ఒక్కొక్క‌టిగా రిలీజ్ చేస్తూ మేక‌ర్స్ సినిమాపై ఆస‌క్తిని రేకెత్తించారు. దీంతో ఈ చిత్రానికి సంబంధించిన ఫ‌స్ట్‌లుక్ టీజ‌ర్ ఎప్పుడు రిలీజ్ అవుతుందా అని అంతా ఎదురుచూస్తున్నవేళ ఈ చిత్ర టీజ‌ర్‌ని శుక్ర‌వారం హీరో విజ‌య్ దేవ‌ర‌కొండ సోష‌ల్ మీడియా ట్విట్ట‌ర్ ద్వారా రిలీజ్ చేశారు.

`హీరోయిన్ రాశిఖ‌న్నాస్నానం చేస్తున్న విజువ‌ల్స్‌తో ఆమె చెబుతున్న డైలాగ్‌ల‌తో ఈ టీజ‌ర్ మొద‌లౌతోంది. ప్రేమంటే ఒక కాంప్ర‌మైజ్ గౌత‌మ్‌.. ప్రేమంటే ఒక సాక్రిఫైజ్‌. ప్రేమ‌లో దైవ‌త్వం వుంటుంది. అవేవీ నీకు అర్థం కావు. అంటూ చెబుతున్న డైలాగ్‌లు సినిమా ఏ స్థాయిలో వుండ‌బోతోందో తెలియ‌జేస్తున్నాయి. ఇంత‌కీ యామిని ఎవ‌రు?.. గౌత‌మ్‌కు సీన‌య్య‌కు, శ్రీ‌నుకు ఉన్న సంబంధం ఏంటి?. సువ‌ర్ణ‌, స్మిత‌, ఇజ ఎవ‌రు? వారికి గౌత‌మ్ ఏమ‌వుతాడు? అన్న‌ది తెర‌మీద చూడాల్సిందే. టీజ‌ర్‌లోని కొన్ని స‌న్నివేశాలు `అర్జున్‌రెడ్డి` రీలోడెడ్ అనేలా వున్నాయి. కొన్ని స‌న్పివేశాల్లో `అర్జున్‌రెడ్డి` గుర్తుచేశాయి.

విజ‌య్ దేవ‌ర‌కొండ మ‌రోసారి తన‌దైన పెర్ఫార్మెన్స్‌తో ఆకట్టుకోబోతున్నాడ‌ని, ఈ సినిమాతో అత‌ని ఖాతాలో మ‌రో బ్లాక్ బ‌స్ట‌ర్ హిట్ గ్యారెంటీ అనే సంకేతాల్ని ఈ టీజ‌ర్ అందిస్తోంది. రాశిఖ‌న్నా, ఐశ్వ‌ర్యా రాజేష్‌, కేథ‌రిన్‌, ఇజ‌బెల్ల హీరోయిన్‌లుగా న‌టిస్తున్న ఈ చిత్రాన్ని ప్ర‌పంచ ప్రేమికుల దినోత్స‌వ‌మైన వాలెంటైన్స్‌డే సంద‌ర్భంగా ఫిబ్రవ‌రి 14న రిలీజ్ చేస్తున్నారు.