రౌడీ గారి ‘హీరో’ సినిమా ఆగిపోలేదు.


రౌడీ గారి 'హీరో' సినిమా ఆగిపోలేదు.
రౌడీ గారి ‘హీరో’ సినిమా ఆగిపోలేదు.

విజయ్ సాయి దేవరకొండ తెలుగు జనాలకి ‘రౌడీ’ గానే తెలుసు. ఎందుకంటే సినిమా ప్రచార సమయంలో ‘వాట్స్ అప్ మై రౌడీ ఫాన్స్’ అంటారు అలాగే ‘రౌడీ’ పేరిట ఒక బట్టల దుకాణం కంపెనీ ఉంది ఇంకా సినిమాలలో ఎక్కువగా తన బాడీ లాంగ్వేజ్ రౌడీ లాగానే ఉంటుంది కాబట్టి విజయ్ గారికి రౌడీ అనే పేరు అలా వచ్చేసింది. ఇక సినిమాల పరంగా చూసుకుంటే ఒక హిట్టు సినిమా ఇస్తున్నాడు వెంటనే ఆ సినిమా తర్వాత గోరమైన ఫ్లాపు సినిమా ఇస్తున్నాడు.

ఇలా సగం సగం ఆనందాన్ని ఇస్తున్న రౌడీ గారి చేతిలో ఇప్పుడు దాదాపు మూడు సినిమాలు ఉన్నాయి. అందులో మొదట విడుదల అయ్యేది ‘క్రాంతి మాధవ్’ దర్శకత్వంలో వస్తున్న ‘వరల్డ్ ఫేమస్ లవర్’ సినిమా ఒకటి. ఇందులో ఏకంగా ముగ్గురు భామలతో రొమాన్స్ చేయబోతున్నాడు మన రౌడీ గారు. ‘డియర్ కామ్రేడ్’ సినిమా ఫ్లాపు తర్వాత ఈ సినిమా కచ్చితంగా విజయం సాధిస్తుంది అని ధీమా వ్యక్తం చేస్తున్నారు రౌడీ గారి అభిమానులు. ఇక రెండవ సినిమా విషాయానికి వస్తే ‘మైత్రి మూవీ మేకర్స్’ నిర్మాణంలో ‘ఆనంద్ అన్నామలై’ దర్శకత్వంలో ‘హీరో’ అనే ఒక సినిమాకి పూజ కార్యక్రమాలు చేసారు.

‘పేట’ సినిమాలో రజనీకాంత్ గారికి చెల్లెలి పాత్ర చేసిన ‘మాళవిక మోహన్’ గారు ఈ సినిమాలో కథానాయిక. హీరో సినిమా ముహూర్తం షాట్ అయ్యిపోగానే కొద్దీ రోజులు సగం షూటింగ్ కూడా జరుపుకుంది. అనుకోకుండా హీరో సినిమా మధ్యలోనే షూటింగ్ ఆగిపోయిందని వార్తలు వచ్చాయి. ఆ వార్తల్లో ఎలాంటి నిజం లేదనే ఆ సినిమాని త్వరలోనే తిరిగి మొదలు పెట్టనున్నాము అని నిర్మాతలు ఈ మధ్య జరిగిన ఒక ఇంటర్వ్యూ లో చెప్పడం జరిగింది. బైక్ రేసింగ్ నేపథ్యంలో షూటింగ్ జరుపుకోనున్న ఈ సినిమాలో అందుకు తగినట్లుగా ‘రజిని కృష్ణన్’ అనే ఒక అంతర్జాతీయ స్థాయి రోడ్ రేసింగ్ ఛాంపియన్ ని రంగం లోకి దింపి మన రౌడీ విజయ్ గారికి నిపుణుల పర్యవేక్షణలో శిక్షణ ఇప్పిస్తున్నారు అని మీడియా వారు అనుకుంటున్నారు.

ఇక మూడవ సినిమా విషయానికి వస్తే ఇస్మార్ట్ డాషింగ్ డైరెక్టర్ ‘పూరి జగన్నాధ్‘ గారి దర్శకత్వంలో ప్రిన్స్ మహేష్ బాబు గారి కథ అయిన ‘జనగణమన’ ని చెయ్యాలి అని నిర్ణయించుకున్నారు. నిర్మాతలుగా ‘ఛార్మి కౌర్’ గారు మరియు పూరి జగన్నాధ్ గారి కలిసి ‘ఇస్మార్ట్ శంకర్’ సినిమా లాగనే ఈ సినిమాని కూడా తీర్చి దిద్దాలని అనుకుంటున్నారు. పూరి జగన్నాధ్ గారు కథ, కథనం పని మీద కసరత్తులు చేస్తున్నారు. ఇక విజయ్ దేవరకొండ గారికి కూడా లైన్ లో 2 సినిమాలు ఉన్నాయి కాబట్టి పూరి జగన్నాధ్ గారి సినిమా కొంచెం సమయం తీసుకునేలాగానే ఉంది.

మరి ఒక హిట్టు సినిమా ఒక ఫ్లాపు సినిమా పరంగా చూసుకుంటే ‘వరల్డ్ ఫేమస్ లవర్’ హిట్టు, ‘హీరో’ సినిమా ఫ్లాపు, పూరి జగన్నాధ్ గారి ‘జనగణమన’ సినిమా హిట్టు అని ఇప్పటినుండే రౌడీ అభిమానులు ఒక పట్టిక రెడీ చేసుకుంటున్నారు. చూద్దాం మరి ఎలా జరగబోతుందో?