విశాల్ కూడా వార్ డిక్లేర్ చేశాడు!

విశాల్ కూడా వార్ డిక్లేర్ చేశాడు!
విశాల్ కూడా వార్ డిక్లేర్ చేశాడు!

ఇటీవ‌ల స్టార్ హీరోల నుంచి అప్ క‌మింగ్ హీరోల వ‌ర‌కు త‌మ చిత్రాల రిలీజ్ డేట్‌ల‌తో బాక్సాఫీస్ మీద వార్్‌ని డిక్లేర్ చేసిన విష‌యం తెలిసిందే. తాజాగా ఈ రేసులోకి యాక్ష‌న్ చిత్రాల హీరో విశాల్ కూడా వ‌చ్చి చేరాడు. విశాల్ న‌టిస్తున్న సైబ‌ర్ క్రైమ్ యాక్ష‌న్ థ్రిల్ల‌ర్ `చ‌క్ర‌`. ఎం.ఎస్‌. ఆనంద‌న్ ద‌ర్శ‌కుడిగా ప‌రిచ‌యం అవుతున్నారు. ఈ చిత్రంలో `జెర్సీ`ఫేమ్ శ్ర‌ద్ధా శ్రీ‌నాథ్, రెజీనా క‌సండ్రా హీరోయిన్లుగా న‌టిస్తున్నారు.

తెలుగు, త‌మిళ‌, మ‌ల‌యాళ‌, క‌న్న‌డ భాష్ల‌ల్లో ఈ చిత్రాన్ని ఫిబ్ర‌వ‌రి 19న రిలీజ్ చేస్తున్నారు. ఈ విష‌యాన్ని వెల్ల‌డిస్తూ చిత్ర బృందం సోమ‌వారం రిలీజ్ డేట్ ని ప్ర‌క‌టించింది. లాక్‌డౌన్ స‌డ‌లించిన స‌మ‌యంలో ఈ చిత్రాన్ని డైరెక్ట్ ఓటీటీలో రిలీజ్ చేయాల‌ని ప్లాన్ చేశారు. కానీ తాజా ప‌రిస్థితుల నేప‌థ్యంలో వ‌ర‌ల్డ్ వైడ్‌గా ఈ నెల 19న ఈ చిత్రాన్ని థియేట‌ర్ల‌లో రిలీజ్ చేస్తున్న‌ట్టు చిత్ర బృందం ప్ర‌క‌టించింది.

గ‌తంలో విశాల్ న‌టించిన `అభిమ‌న్యుడు` చిత్రానికిది సీక్వెల్‌. దీంతో ఈ మూవీపై అంచ‌నాలున్నాయి. అందుకు త‌గ్గ‌ట్టే సినిమాలో శ్ర‌ద్ధా శ్రీ‌నాథ్‌, రెజీనా క‌సాండ్రా హీరోయిన్‌లుగా కీల‌క పాత్ర‌ల్లో న‌టిస్తున్నారు.  సైబ‌ర్ క్రైమ్ ఎంట‌ర్‌టైన‌ర్‌గా రూపొందిన ఈ మూవీపై విశాల్ కూడా భారీ అంచ‌నాలు పెట్టుకున్నార‌ట‌. ఇటీవ‌ల వివాదంలో చిక్కుకున్న ఈ మూవీ ఆ వివాదాల్ని ప‌రిష్క‌రించుకుని థియేట‌ర్ల‌లో సంద‌డి చేయ‌బోతోంది.