మరోసారి డిటెక్టివ్ కాంబినేషన్


మరోసారి డిటెక్టివ్ కాంబినేషన్
మరోసారి డిటెక్టివ్ కాంబినేషన్

సినిమా అనేది ఎంత గొప్పదో కొంతమంది దర్శకులు చేసిన సినిమాలు చూస్తే మనకు అర్థమవుతుంది. సినిమాకు సంబంధించిన 24 విభాగాల్లో తనదైన ముద్ర వేస్తూ, ఆ సినిమాను ఎప్పుడు చూసిన మొదటి నుంచి చివర వరకు తనదైన సంతకాన్ని చేసినట్లు చూపిస్తారు ఆ దర్శకులు. వాళ్లల్లో తమిళ దర్శకుడు మిస్కిన్ ఒకరు.

మంచు మనోజ్ చేసిన రాజు భాయ్ సినిమా అందరికీ గుర్తుండే ఉంటుంది. ఆ సినిమా తమిళ వెర్షన్ & రైటర్ డైరెక్టర్ మిస్కిన్. అంతేకాకుండా ఒక నటుడిగా కూడా మిస్కిన్, విజయ్ సేతుపతి ఇటీవల చిత్రం సూపర్ డీలక్స్ లో కూడా ఒక అద్భుతమైన పాత్రలో కనిపించారు.

లాంగ్ షాట్స్, క్లోజప్, మోనో లాగ్ షాట్స్, ఒక థియేటర్ ప్లే చూసినట్లు ఉండే సింగిల్ టేక్ సీన్స్, ముఖ్యంగా చీకటి వెలుతురు కాంబినేషన్ లో మిస్కిన్ షాడో షాట్స్ ఇప్పుడు కొత్తగా వచ్చే యువతరం ప్రేక్షకులందరికీ పాఠాలు లాంటివి. ప్రస్తుతం ఆయన డైరెకషన్ చేసిన సైకో అనే సినిమా రిలీజ్ కి రెడీగా ఉంది.

గతంలో విశాల్ తో ఆయన దర్శకత్వం వహించిన తుప్పరివాలన్ (తెలుగులో డిటెక్టివ్) అనే సినిమాకి సీక్వెల్ రెడీ చేస్తున్నారు డైరెక్టర్ మిష్కిన్. విశాల్ డిటెక్టివ్ పాత్రలో కనిపించిన ఈ సినిమా తెలుగు ప్రేక్షకులను కూడా విపరీతంగా ఆకట్టుకుంది. కమర్షియల్ గా కూడా హిట్ అయింది.

డిటెక్టివ్ అద్వైత భూషణ్ గా విశాల్ నటన, ఆ సినిమా స్క్రీన్ ప్లే, మరీ ముఖ్యంగా ఆ బ్యాక్ గ్రౌండ్ స్కోర్ ఎవరూ మర్చిపోలేరు. ఒక చిన్న కుక్క పిల్ల చనిపోవడంతో మొదలుపెట్టే ఆ ఇన్వెస్టిగేషన్, చివరకి పెద్ద పెద్ద హత్యలు చేసే సీరియల్ కిల్లర్స్ గ్యాంగ్ ని పట్టుకోవడం, నిజంగా ఆడియెన్స్ ని సీట్ edge మీద కూర్చోబెడుతుంది. ఇప్పుడు రాబోయే డిటెక్టివ్ 2 సినిమాలో నటి గౌతమి ఒక ప్రత్యేక పాత్రలో కనిపించబోతున్నారు.

బాక్సాఫీస్ లెక్కలు పక్కనపెడితే, సినిమా అనేది ఎవడు పడితే వాడు తీసేది కాదని, ఒక గొప్ప సినిమాకి పర్యాయపదంగా సినిమాలు చేసి చూపించిన వ్యక్తి డైరెక్టర్ మిస్కిన్. ప్రస్తుతం తీసే డిటెక్టివ్ 2 సినిమా కూడా హిట్ అవ్వాలని కోరుకుందాం.